今日訓到12點幾個陣家姐無啦啦打電話黎問我唱唔唱k,
我呆左幾秒.....之後就話:好啦...
換完衫就同細妹行去neway,
第一次同佢地去唱k,之前個幾次我都冇去到......
我,細妹,二家姐,同simon哥哥4條友由一點半唱到5點半,
遇上simon哥哥我先知道原來自己唱歌咁好聽嫁~~~~
唱唱下真係唔知有咩歌可以再點,我聽個d英文歌好多都好激,都唔知點唱,
俾我見到有linkin park同green day.....有new divide,但係我冇理由點黎唱咁傻仔,
唱完之後轉場去冒險樂園玩,玩左幾百蚊,騙人嫁!!!!!!!食左幾百蚊,好彩唔係我俾錢.......
玩到6點就閃人,搭72x去旺角,坐係我地後面班友勁嘈呀!!!!
我認得佢地係救恩form 4!!!因為有條友以前係讀基正!!!!
全程車都係到勁講野!!!個個都係到啤佢地,佢地繼續講,
我地忍到落車呀~~~~~~~~~
之後行去漢陽苑,一去到,就即刻瘋狂拎野食,我好似驚死會汁輸,
見到人地拎咁多,我就要拎多過佢地,係咁拎....完全冇理過後果,
之後係咁燒~~~~~~~~~~~~~~~~~~~~~~~~~~~~~~~~~~~~~~
由7點食到8點幾,我完全冇停過,忽然覺得自己好勁!!!
最後幾分鐘,唔汁輸拎多碗豆腐花,不過熱到食唔到~~~~
家姐仲幫我拎埋芝麻雪糕,好正!!!!!
最後碗豆腐花都係熱到食唔到,俾我放棄左~~~~~
食完野就行我最唔鍾意行既地方---旺中...
好彩今次冇行到我中暑,不過都係行左一陣就冇行,
之後就搭72x番大埔lu.....
宜家佢地個個都出晒街,屋企得番我一個,
不過咁都幾好,靜靜地咁過..........
可以同佢地msn渡過2010係最好既!!!!
|
