終於考完啦!!!!!!!!!!!!!!!!!!!!!!!

呢兩個星期真係好難忘,好恐怖,好刺激,

琴晚溫到2點幾,都係背唔熟經訓,諗住訓到6點再起身溫啦,

頂.....竟然唔知醒,7點幾先起身,

係咁抄係咁抄,第三節個d溫唔熟~~~~~~

之後衝番學校繼續溫,個陣已經溫得ok,

李sir竟然黎監我地經訓,佢一入黎就話經訓好難,話填充有30分,

我地個個嚇到o嘴,跟住佢話"我覺得難姐~~",

如果你覺得易,咁就真係好易啦,你入黎我地冇幾耐,識鬼孔子,

好彩經訓唔算太難,第一版應該可以拎到40分以上既,

我覺得第二版勁難,完全唔知講咩,

之後個d都算ok既~~~~~~~~~~

小息後中文,第一篇好難,今次反而文言文最易,但係好多解釋都唔識解,

考完,真係好想大嗌,不過好彩control到自己,

放學同文薏,婉婉陪西瓜落1樓搵miss ma,不過搵唔到,

見到程太我完全唔敢行過去,淳璋要退位啦,佢唔係最高分個位,唔係佢,姐係婷婷啦,

佢地成班走晒之後,淳璋又再叫番程太出黎,話好想知道分數,跟住程太先話佢有75-80,

不過佢勁唔滿意囉......佢話覺得全份卷都識做,

不過算啦....做人要知足嫁,

之後西瓜係咁搵人唱k,話要搵夠5個,佢係咁搵男仔囉,

又搵淳璋,超人,stopkey,皮蛋黃,mm波,

同男仔唱歌我始終唔慣囉....但係話晒西瓜大晒,佢話事,

最後,只有超人黎~~~~~

係咁唱係咁唱,超人唱歌勁好聽!!!

西瓜今日high到爆,唔洗用咪已經大聲過我地全部人,我懷疑全層樓都聽到...

佢勁唱twins,我冇一首識唱......

期間佢地去廁所,竟然見到八婆同威少~~~兩條友黎唱k,好彩個陣我冇去,如果唔係嘔死,

第一次聽到文薏唱歌~~~~~~感覺勁新奇!!!

我真係聽唔到婉婉把聲,咁怕醜嫁.......

我地之後點new divide黎唱,本來好激既歌都可以俾我地唱到咁悶.....

之後唱唱下滾,無啦啦有首生日歌彈出黎,跟住即刻有人捧住個蛋糕入黎,

個蛋糕都算ok既....

我地由12點半唱到5點半頂唔順就走人,第一次唱咁耐~~~~~~~~

之後去買生日禮物,最後揀左支筆,希望西瓜真係鍾意啦,

聽日呀....一開頭就LS同econ,希望唔好搞到我心臟病發啦,

好彩中間有pe堂舒緩下氣氛,英文唔知佢派咩,越諗越驚,都係唔諗啦

係呀....我實會開facebook既,大家唔好再話我啦,

琴日考既通識已經冇左啦,

健康觀念完全諗唔出.....我諗黎諗去淨係得科技,宗教,經濟,搞到完全唔知點寫,

最後我寫焦油同尼古丁,如果佢呢題俾到一分我,我已經好感激啦...........

陶陶真係傻嫁....全球化竟然寫左6版,公共衛生都兩版,佢隻手係咩構造呀??點會寫到咁多...........

我今次真係冇啦~~~~~~~~~~~~~~~~~~~~

琴晚溫地理都係勁hea咁溫,一路睇老友狗狗同法證2一路溫,因為已經完全放棄,

溫黎溫去都係唔合格嫁啦.....

kary姐真係認真,竟然通頂........地理實在唔值得我通頂,

下學期先黎啦~~~~~~~~~~~~~~

今日份卷越做越唔識,short question第一題都算ok,第二題真係寫唔出野,7分個題我寫得兩個字,

我完全冇溫呀~~~~~~

short essay我寫得半版.....因為我唔明佢問咩囉,

how improvement  technological affected by located the iron and steel industry(類似有呢d字啦)

總之我都唔知自己講咩啦!!

頂!!!有一題計數本來好易嫁!!!!本來係計2000年,點知我竟然計左2030年囉....變左56%,

又冇左兩分~~~~~~~地理又玩完lu

淳璋兄個題essay寫左兩版,我冇野好講.......相信佢冇第一都有第二嫁啦........

不過原來仲有人慘過我地,physics既同學仔真係好慘呀,

竟然有19版....我唔明佢地點做囉,張X光真係有病,

我相信佢地已經全部重傷啦...............

返屋企回復一下元氣先,1點幾又番學考speaking,

雖然個陣好嘈,但係其實心情係非常緊張,

就黎到我地考個陣,hip hop sir係到教我地,但係勁廢囉,唔洗教都識啦,

跟住佢話佢以前英文係勁差,入到大學先變到咁勁..........

吹完水去隔離房prepare,一睇個題目,完全唔明佢講咩,

之後先明佢話間學校有人偷野,問我地有咩可以做,學校又有咩可以做,第三個問題唔知問咩,

諗左勁耐先諗到d方法.......之後去講,我地仲有勁多時間剩,不過好彩我地都總算搵到d野講,

有少少dead air囉......miss fung話我地唔錯既,其實4組都ok,話我同winky好好笑容~~~~~

我地又講左"i am agree with you",我知錯,但係個陣我都唔想嫁.....

跟住佢同我地講"罰抄1000次i am agree with you"

個陣我地嚇到o晒,之後佢先話,講下笑姐........真係嚇親我地囉......

考完陪winky去圖書館,有一個人真係勁似kary姐,我地差d想去叫佢,笑到傻左,

之後就閃番屋企lu~~~~~考埋聽日經訓同中文就大功告成啦!!!!頂住呀!!!!!!!