宜家好攰,廢話少講,

今日係張床碌到6點半先肯去刷牙,之後拿拿臨換衫汁野,

再去搭71S去火車站,

同2+2and蔡蔡去食麥當當,差唔多食完見到徐美黎買野食,

之後一齊落去新達集合,

之後真係好頹同好嬲自己,我竟然冇帶jacket......

但係我真係冇聽過....可能上次遲左去集會,所以唔知....

之後上車,8點半就去到香港仔大球場,

汁下野之後就開始rehearsal,隻腳好疼,行一步就痛一次,仲要企左勁耐~~~

操到唔知幾多點,有個break,食野,抖左一陣就要總綵排,

點知連冷衫都唔俾著,個陣仲要落緊微微雨....

詳細唔多講,安X利企企下暈低左....真係估唔到咁凍都會暈,我覺得佢係好眼訓,

好辛苦咁操完,返去汁d野去第二度,之後就正式lu....

係後面等出場,miss歐陽黎睇下我地就走,

一出場,真係好驚會操錯,一操錯又唔知點糾正番.....

好彩冇咩事.....之後企左個幾鐘,我睇住係2點幾企到3點25分嫁,

安X利又暈......之後到我地操,都冇咩事既,

但係真係超凍,成身係咁震,d雨又要越落越大.....

之後等車到,上車之後雖然好攰,但係依然訓唔著.....

最後5點幾先訓到屋企~~~

真係好攰好攰好攰好攰好攰好攰好攰好攰好攰好攰好攰好攰好攰好攰好攰¹⁰⁰⁰

今日6點幾就要起身,之後食早餐,再搭K17去火車站,

去到,點名,等埋佢地,之後miss wong黎到,竟然見唔到伍sir......之後過左勁耐伍sir先黎,

之後點知我地等等下個陣竟然見到張X光去美心MX囉.....放假都咁早起身,低能,

齊人之後就去搭六十幾號巴士,我地幾個坐係巴士最後,

之後miss wong同伍sir一齊坐,我地笑到傻!!!

我開頭以為佢地會分開坐,點知咁open~~~~~~~

搭到唔知邊到就落車,係個陣等埋楊sir同張sir,就係咁行,

開頭冇咩野既,之後行上山,越行越難,我又勁驚,所以見到野就會捉住,

最後我成手都係個d刺....入晒件外套到,

我個陣真係超級無敵爆驚囉,畏高既我平時行天橋都驚,上山個陣有時d路又勁窄勁滑,一望出去又勁恐怖,

我個陣真係好驚我咁就玩完.......

差唔多上到去個陣根本就要成個人爬上去,個到d石又勁碎,根本就唔知邊個係真,邊d係假,

所以我要係咁捉住super同八婆,(大家唔好怪我呀,我唔捉住佢既話我宜家都打唔到blog....)

好辛苦咁上到山,有大休,我地係咁食野補充體力,日明sir同伍sir就係到掹刺,

伍sir真係好搞笑,佢成身都係刺,佢都掹左成個鐘........

食完勁凍,我係到"愛的抱抱",之後係咁影相,

同左伍sir,張sir,楊sir,曾sir(曾X維)影相,好正!!!楊sir俾人話係何中張敬軒,

但係佢今日真係好型,行山都不用吹灰之力......

break到一點之後影完相就走,我仲以為好快就落到山,

之後點知落完山又上番山,越行越遠,都唔知行左幾多座山,沿途仲有爆多牛屎,

之後我都唔知點講,只能講係辛苦到爆,

真係痴線到爆,爬爬下爬到上一個勁高既山峰,見到成個荃灣,青馬大橋,雖然真係好靚,但係上到去我真係唔敢郁,

個到勁凍,又有dd雨,我feel到我地係d雲上面,

過左一陣又要落番山,我地落山係完全冇路,真係恐怖到爆!!!

我地係要坐係地下,逐步逐步咁滑落去,

八婆著短褲黎,換黎既後果就係傷左.....寶寶落唔到黎,之後日明上去救佢,好似盲公竹咁逐步跟住佢行,

但係咁既方法真係好work,唔似得伍sir咁冷眼旁觀,

八婆行行下先發覺唔見左對講機,之後佢同伍sir去搵,搵左勁耐都搵唔到,

行完咁驚險既路,點知仲未驚完,我地要跟住山既外圍繞住黎行,

我真係激驚,你一望出面就會望到荃灣,總之一差錯腳,咁就bye bye,

我勁淆底,我要前面拖住慧ming,後面拖住super慢慢行先行到,

諗番起都驚爆...........

之後d腳趾公係咁頂住,總之就好辛苦.........

落山唔知落左幾耐先落到,落到地面隻腳係咁震,

之後再行去愉景新城,搭港鐵返屋企,去到九龍塘等火車個陣,點知巧遇超人,

真係岩到冇得再岩,去到大埔,又見到超人,我同佢仲要搭埋同一架K17返屋企......6點半先番到呀.......

宜家真係唔敢相信我可以由大埔行去荃灣...........

宜家真係超攰,聽朝又要6點起身去步操.....十幾樣功課又未做,睇下我點死......

相遲d再post啦~~~~