哈.琴晚既節目真係豐富,我所指既唔係琴晚做功課做到兩點.....

話說琴晚係我阿媽生日,二家姐就話去韓燒,咁佢就去霸位先,

點知我地入到去,二家姐條仔都係到,我一入到去,即講"見家長呀??"

佢地都唔敢出聲...笑死!!今次係佢地既第一次正式見面....其實之前都成日同simon哥哥玩嫁啦,

我小學個陣佢地成日帶我去蒲~~~~~~~~~~~~~~~~

之後係咁食係咁食,飽到暈,原來佢地個個都冇食到d飯,我食晒先見到佢地個個碗飯完全冇郁過,

-------------------------------------------------------------------------------------------------------------------------------------------

琴晚做功課做到兩點,今朝差d訓到唔知醒,

一開頭econ,quiz,完全唔識做................

都唔知佢講咩野......

之後bafs兩堂,今日好多人冇返,

我既組員鍾梓都冇返,佢既好朋友吳X璋又冇返,都話佢地兩個好親密啦........

我地組平時答問題都係靠我係咁扯鍾梓件衫,完全講個答案俾佢聽,叫佢答,

今日佢冇返,要靠自己~~~~~~~~~~~~~

不過今日成績十分好,有4粒積木.

小息,係到抄grammar同埋寫番好本listening comp.,

所以完全冇溫過數學......

三堂數學,chapman發燒要早退,佢塊面真係好紅,坐佢前面隻狗又早退,

隻狗隔離既吳X璋又冇番,恐怖........不過仲未夠B班勁.........

一開頭做問卷,求其做.....

之後小測,超難做呀!!!!!!!!!!!!!!!!!!!!我係死蠢到連第一題都唔記得點做,

我見到有兩個未知數,跟住我係咁諗搵邊個先,竟然冇諗過佢已經寫左x既答案,

搞到我冇寫到..............

第二版簡直係全軍覆沒,完全唔知佢問咩~~~~~~~~真係唔想佢派卷,冇眼睇,

測完呢個就派番上星期既小測,佢一開頭係咁講係咁講,我就勁驚,因為佢講個d我好似全部都中晒咁,

佢仲話今次40分滿分,30分先當合格,個陣我已經打定輸數嫁啦..........

點知我好似痴左線咁,竟然有31/40,勁感動!!!!!!impossible!!!!

陶陶同輝爺超勁,爆分!!!朱哥好唔抵,得39分..........

之後好似講講下咁就落堂lu............

lunch,番屋企又唔玩電腦,係到溫中文,好驚默書個陣個腦又會忽然空白一片,

番到學校,點簿同溫書,個陣背默都好地地,

點知中文堂默書個陣真係出事,竟然默漏左4隻字......算啦.........

之後好似做聆聽,聽到好鬼死眼訓.......

英文堂,奶豐唔記得拎reading,又俾ms. fung勁針對,佢同皮蛋黃要罰企.....

佢之後嗌我讀野,我讀讀下個陣,佢話"我係咪講得太快呀?"

原來我讀錯左篇野.......樣衰到死....但係我係feel到個陣係完全冇人知道我讀錯,

因為我讀錯個陣實會有人望住我笑,但係個陣大家都完全冇反應,所以原來大家都唔知佢講緊邊.....

但係我真係唔知點解我讀錯佢都唔鬧我,如果俾奶豐讀錯,我諗ms. fung實會鬧佢,

之後邦仔用緊字典機個陣,佢唔小心禁左發聲,跟住佢緊張到勁大聲係到嗌,

成班笑死!!!

其實佢今日講咩野我一句都聽唔明,好辛苦呀~~~~~~~~~~~

放學,中文補課,繼續聆聽.......

做到差唔多5點就走人lu...........

呢幾日真係忙到痴左線,簡直係去個廁所都唔得閒,

今日要戴口罩番學,一上到課室,抄數學功課,因為真係唔識做.....

哈.今日全班得輝爺一個著便服,

之後聽國歌,好鬼死大聲,

頭兩堂bafs,終於完成左份功課啦,琴晚都唔知浪費左我幾多時間,

教書,唔知佢講咩,最後15分鐘,結算積木,最高個組有18粒積木,

之後兩組14,一組13,我地個組有12粒,第5名,但係第一至第四先有獎,

之後兩堂數學,我都唔知佢講咩,

我真係超級死蠢!!!

小息,係咁背經訓,我個腦都唔知去左邊,背完之後一陣又唔記得晒,

之後兩堂通識,阿sir今日唔返,我地等左勁耐都冇老師黎,

過左15分鐘miss tong先黎,之後叫傑哥去620搵principle唔知做咩,

然後就叫我出去讀之前李sir寫定既memo,

我好想同miss tong講我已經唔係叫kitty,我已經改左做koyi嫁啦......

之後小測,測40分鐘,測完岩岩落堂,miss莊今日點解要扮kawaii呀???

之後經訓堂,背默,順順利利....之後又係到講廢野,

lunch,番到屋企電腦都唔玩,係咁背中文同英文,都係完全背唔入,

番到學校,繼續背.......個邦仔低能到扮馮X英,扮得勁神似,

哈.原來奶豐唱new divide既驚嚇程度俾邦仔仲要高出好多倍.

兩堂英文,背默先,soso上一堂冇番,所以唔知要背,而我就錯左兩隻字,

之後又俾成課grammar我地做,

原來我個篇英詩係最長個篇,洗唔洗玩到咁絕呀??

我又唔係勁....不過我覺得呢篇butterflies都幾易,冇咩難字,

之後做listening,聽唔到,因為我凍到係咁震......

之後又俾功課,要作文.........我既國慶已經貢獻晒俾d功課啦........

兩堂中文,一開頭背書,我淨係識背開頭嫁炸,但係都順利過關,好彩~~~~~

多謝晒個口罩!!!!!

之後作文,今日真係刺激到爆,45分鐘要作600字,

洪明超勁,半個鐘就作完,完全冇野好講~~~~~~

一打鐘落堂個陣,我咁岩寫埋個句號,時間簡直配合得天衣無縫!!

邦仔勁低能,竟然拎錯左soso把遮,佢由地下衝上黎6樓,諗住拎番把遮,

點知soso落左地下,之後佢又要死死氣咁爬番落去..........

宜家一分一秒對我黎講真係好重要.....簡直就係火拚時速,rush hour!!!