今日返學冇咩特別,

頭兩堂數學,做得個幾題數,

陰公.....宜家lv.1都唔識,lv.2個d我已經唔敢望啦,

之後中文X2,講書,

最後派高form個d生活文化報告俾我地睇....

小息,落左去搵文裕拎bafs抄,好快就抄完lu.....

之後3堂bafs,

其間有一題MC要答,

有8組都係答B,得我地一組答C,

點知我地真係答岩左!!!簡直係神手!!!!

但係我地連條題目問咩都唔知.......

之後問番我地點解答C,我地係完全答唔出..........

lunch,原來蔡蔡早左退,

返到學校,要買A簿,

上到課室,邦仔買左個新鎖,點知買左個唔可以用既鎖,

整左勁耐.......個鎖最後都用唔到,邦仔咁就冇左廿蚊,

之後俾我發現gary唔用個locker,佢locker個位好正呀!!!!(超級怪人,日日係咁將d書搬黎搬去)

遲d我就會搶左佢個locker黎用!!!

之後通識,等miss個陣俾李X如鬧.......

之後做麥當勞點全球化就落堂.........

最後三堂econ,

講oppotunity cost,終於明明地啦,

期間金金問我參唔參加校園電視台,本來我真係唔想玩嫁,

但係西瓜又參加,金金又參加,陶陶個班又參加,

所以放學就去左7樓報名lu........

本來琴日好想打blog嫁,因為係09.09.09,仲有九月九日要憶山東兄弟嫁,

但係琴晚實在忙到喊!!中.英,數,通識,bafs,geog都有功課做......

好.講番琴日先,

一開頭三堂英文,真係估唔到我英文係top 20,我話我係都冇人信,

G.E.唔合格都入到,天冇眼.....

個天真係明玩我,個姓馮仲要揀我做科長.....

大佬,我英文屎到冇人有,仲叫我做科長,我連佢嗌我都唔知,

之後又叫我整座位表,買個d XX繩.....好鬼死麻煩,

之後一堂數學,教左少少野就落堂.....

三堂geog,只有一個字可以講,就係"悶",

一開頭分組,本來諗住可以同傑哥,文薏,清哥製造一隊夢幻隊,

點知原來要抽.....最後又抽中同傑哥一組,

大佬,通識已經對住佢,geog又係咁.....

之後係半昏迷既情況下聽書,放學去fairwood食完就番屋企

10/09,第一日正常上課,同埋課室終於有locker啦!!

但係我個locker係下面,而邦仔個locker又係我隔離,我唔用都對佢唔住啦!

開頭通識X2,今日我地勁積極,個個都舉手,

個計時一響,成班都即刻舉手,搏攞分!!!

連阿sir都話我地好似小朋友.

之後兩堂數學,畫個d圖,真係超級無敵麻煩!!

畫左幾幅圖咁就落堂lu...

小息,落去拎鍾梓鍵個本bafs抄...

之後三堂中文,要對住個黃老太真係好想叫救命,

總之就冇野好講啦!!

lunch,番屋企上網+溫書,

番到學校,繼續溫英文,

之後兩堂英文,葉XX入黎用中文話要拎簿,之後俾馮XX話"GET OUT!!........."好惡.....

開頭叫我收錢,之後講番書,講完書就默書,

有冇搞錯!!!又叫我地溫人名,但係最後又冇默,佢讀幾次,幾次讀既音都唔同....

搞到默錯晒......

仲有奶豐都好慘,俾馮XX玩針對,狂叫佢答問題,

不過一哥真係一哥,咁多題都答到......

最後兩堂地理,都係悶到傻........

三年點捱呀!!!!!!!!!!!!!