今日訓到一點先起身,然後換衫落街食飯,

點知行行下竟然見到邦仔同文裕X,

好樣衰....簡直係冇面見佢,

原來佢地一直都係咁曖昧嫁,

兩個麻甩佬坐係同一架單車到..............

到下午5點,同Kityi一齊去跑海濱,

我地勁耐冇跑過,所以完全跑唔郁囉.....

我覺得我自己宜家有d痴線,係咁睇仔,

對住d冇著衫既人,我對眼簡直係發光,

我仲同Kityi講左句"佢地show得起 我地睇得起"

我太恐怖啦.......

之後去7仔飲野,見到一個好恐怖既人.......

佢隻眼好似俾人斬完黎咁...

原來有人恐怖過我嫁!!

今日同寶寶,西瓜同文婉一齊搭火車出去文化中心,

見去到尖東都仲有d時間,我地就去左SOGO行,

我地行到去食野個到,睇到流晒口水,救命!!!

好彩最後都忍得住.......

個到勁恐怖,一包出前一丁竟然要$7.2,睇到o晒嘴...

之後行去文化中心,早到左,

等左一陣,d人陸續黎到,

熊sir好似留左少少鬚咁......

之後好樣衰咁入去,點知一入到去,

個人就話休息,仲話要調位,

之後坐好晒,終於見到d法國人啦!!!

d男就靚仔,女就靚女,

差唔多個個都係金髮....型到爆!!!!

之後唱個首普通話先,其實都唔知自己唱邊......

個個係咁望黎望去,都唔知唱唔唱好,

個指揮好鬼麻煩,一句野都唔知唱幾多次,

唱完呢首幾次之後就唱個首法文歌,

痴線!!!!!首歌快到爆,個口郁唔切........

跟住唱左兩三次就話走得,係完全o晒嘴,

都未識唱就走得.....

走左之後同熊sir,西瓜,文婉一齊行去海港城個度,

熊sir請我地食許留山,正!!!!原來個到d價錢貴大埔咁多.....

同熊sir係咁傾計,

食完就同熊sir分道揚鑣,我地就入海港城行下,

我地係到周圍試食,

食左d貴價朱古力,龍鬚糖同埋一舊唔知叫咩,

個龍鬚糖簡直係好味到爆!!!

我同文婉一擺落口,即刻"嘩"左一聲!!

完全係未食過d龍鬚糖係入口即溶,俾十個"正"呀!!!

之後諗住走,行行下我前面忽然有個人殺左出黎,

我成隻腳咁踩左落去佢隻腳到,我feel到佢隻腳係勁痛,

但係我除左講sorry之外,都諗唔到可以同佢講d咩,

總之就勁內疚啦..................

之後行行下,西瓜突然嗌,佢忽然醒起把遮唔見左,

跟住勁擔心,我地就走番去文化中心到搵,個陣都已經6點幾嫁啦,

搵左勁耐都搵唔到,西瓜真係超擔心,

跟住再問下人,d人搵搵下竟然搵到,西瓜超開心!!

之後我地就搭番火車番黎,

番到屋企都差唔多8點lu.......