呢幾日過得太充實啦,呢篇就打番15-16號去挪亞方舟先啦,

15號,搭73x搵miss ma,之後成班再一齊搭船去個度,

入到挪亞方舟,就上去擺低d野先,之後成班就分開晒去玩,

我同西瓜,文婉同miss ma個班就去左食lunch先,對住個無敵大海景同青馬大橋食lunch,真係正到暈,

之後我地成班又去左畫面,miss ma畫得好搞笑!!

畫完面就去左多媒體睇野,個度都幾多野睇,仲有3D and 4D睇,睇得好震撼!!

之後我地就上左教育館,本來個度有好多野玩嫁,但係每個都要排勁耐,3點又要上番酒店,

最後得個睇,冇玩到...........

其實我地個d唔係叫酒店,係叫旅舍........我地一入到去唔係睇d床,而係睇下有冇電視,

好彩有電視,勁開心!!!我,西瓜,文婉,寶寶,陳X昕同一個升form5就一間房,其他個d就另外一間,

我地汁完房之後就好似去左方舟花園影相,個度好快就行完........

影完相又番房,見仲有d時間,我地就玩啤牌同UNO,我地玩得勁開心!!!!

玩到6點就成班出去食dinner,去到勁遠食.....

食完要經過沙灘先可以番去,d沙好正!!!

上番房,個個輪住沖涼,好彩有兩個廁所,如果唔係都唔知沖到幾點,

之後我地6個一齊睇烈火雄心大結局, 一齊睇好正!!!我成日睇到係咁嗌,佢地係咁笑我......

睇完電視又玩啤牌,uno,真係玩得勁開心!!!!

到左12點幾,隔離個班人黎晒我地房,佢地俾miss ma鬧,

之後十幾個人就玩Killer,第一鋪我係killer,冇人估中我,win左,超勁!!!!

我地玩到勁嘈,俾人投訴......連miss ma訓左都聽到,最後佢地2點幾就番去,

我地又差唔多訓,訓到第二朝9點幾就起晒身,

去左食早餐,食完就上番去汁房,汁完仲未夠鐘交房,就繼續玩啤牌,

我超勁!!!有一鋪炒晒佢地3個!!!佢地一隻牌都冇出過....

之後要交房,我地就擺d袋係一個地方到,之後再出去玩,

一出到去,竟然見到麥當勞叔叔!!!miss ma勁興奮,我地捉住佢影相!!

之後我地三個出左去馬灣公園影相,個度影相好靚,影完熱到傻,就返去房出面,

我地6個玩7級豬,嗌到勁大聲,最後陳X昕玩到10級,我都有7級.......

最後我地兩點半就行番去搭船走人,

其實一路搭船都勁想問miss ma係咪改左時間表(陳X昕聽高form講話改左時間表),

但係佢又同人傾緊計,我地又唔敢問,

最後搭完船出去先問到佢,好彩佢肯答,佢話以後每一堂時間改做半個鐘,

但係lunch同放學時間都冇變.....你地覺得咁樣好唔好就見仁見智啦.......

之後就搭番73x番大埔lu.......

其實我覺得呢兩日最開心係一齊玩啤牌,uno,真係玩得勁開心!!!!

d相我遲d再post上黎.......

今日全邨都冇水,我已經明明叫左阿媽儲定d水嫁啦,

點知佢竟然冇儲水!!!搞到我勁狼狽,要用飲得個d水刷牙洗臉,

之後同阿媽番學校拎書,一入到禮堂,竟然見到朱哥用緊計數機計數,

朱哥真係機不離手....

我拎左我個d書先,一見到d書,心諗"大獲,我一個人d書都已經咁多"

check緊書個陣見到傑哥,有冇搞錯,佢竟然搵佢表哥幫手,佢表哥仲要ok大隻,

係咁依check左d書就幫倩兒拎,

我勁驚冇編號就幫唔到倩兒拎書,如果拎唔到都唔知點交代,

好彩個到有得睇編號,

等緊個人拎書既時候,竟然望到伍sir,

佢好搞笑呀!!!佢都著住手球隊d衫,橙色5號仔!!

原來倩兒d書仲重過我,我拎左三個袋都裝唔晒,我阿媽就問個人拎紙皮箱裝住,

裝得晒,簡直係fit到爆!!!

之後就同阿媽勁狼狽咁返屋企,番到屋企又check書,

check完就同包and兒出旺角,

去左嘉禾買ticket先,之後去food court食野,

今次去睇義勇群英之毒蛇風暴,

雖然開頭有d唔知邊個係忠邊個係奸,但係套戲真係好睇,

完全冇悶場,夠刺激!雖然笑位唔夠變型金剛多,但又岩岩好,

我只能講好好睇!!未睇既男仔可以去睇下,

我仲以為呢套戲冇主題曲,點知最後播Black Eyed Peas個首Boom Boom Pow,

之前係屋企聽都唔覺得好聽,點知係戲院聽覺得好好聽,

睇完戲去行街,包買左件衫,我就買左個筆袋,我都係睇唔岩書包,

番到大埔,大家就各散東西lu...