講下今日先,
今日一早起身,玩左一陣電腦就換衫搭K巴,
竟然落雨,搞到勁狼狽......
搭緊巴士個陣,我見到一個同我差唔多年紀既男仔,
同一個女仔一齊,開頭我以為佢地係兄妹,
點知竟然係情侶........仲要表演真人show,
差唔多全程都係咀囉.....................I HAVE NO EYE SEE!!!!!!
最終遲到.........同蔡蔡去麥當當食個醒晨早餐先,
食完就搭火車+地鐵去書展!!!
搭完火車之後就轉地鐵,我地行緊個d平既扶手電梯時,
突然無啦啦停左,全部人都o晒,
最後全部人都要就咁行.....
搭到去灣仔,一個鐘都唔洗,
然後到全日最辛苦既時候啦......
行到個天橋個陣,真係煩+熱到死,
成個天橋都係人,仲要隔幾分鐘先會郁一郁,
我後面個女人拎住成大袋麥當當係咁"壓"過黎,
好想對住佢爆粗...可惜我係個文化人黎........
本來想同佢講"你試下再壓過黎,我就即刻食晒你d麥當當!!!"
點知已經唔見左佢........
薯女走左之後,又到一個拖"gip"男,
每行一步,佢個"gip"都會撞一下,總之就煩死啦!!!
行左一大段路,終於到左會展,
唔知點解,見到人跑,我又要走去跑.......
好險呀!!我地十二點五十幾分先去到,如果過多幾分鐘就要俾多$15啦!!!
去到場館,即刻去天地書局搵馬仔本書,
超快就搵到,仲即刻就去俾錢,我諗成個過程用左5分鐘都唔洗,
不過買兩本書都係得一種門牌,有d唔開心囉.....早知問家姐拎啦(佢琴日又幫朋友買左)
目標完成左就周圍行下,
見到$100/4本,就同蔡蔡每人兩本,求其揀.....
睇左一陣就上Hall 3,再去搵馬仔個攤位,
搵左一陣就搵到lu!!
一入到去,我同蔡蔡對眼即刻發光!!!
馬仔d野平左勁多!!
我同蔡蔡係咁掃貨,我買左兩本簿同一支筆,$80,比起原價都差唔多平左一半,
滿載而歸.
之後再去番Hall 1,睇下d英文書.....
睇完英文書,我地都累到郁唔到,於是散水.....
搭307番大埔,一路搭車,一路睇馬仔本書,
睇到好想嘔......
之後去大家樂high番個tea,
食完就返屋企lu...... |
