事先聲明,今日打得好長呀!!!
今日真係刺激到爆,人生高低起伏幾個鐘內都經歷晒,
早會完左之後就入禮堂,第一份派經訓,
拎到份卷個陣,72分,我覺得好滿足嫁啦,
點知望番其他人,先知原來我係最低分個個......
寶寶90分,即刻喜極而泣,嚇親全部人呀...
之後中史,今次有52/79,我已經滿足啦....
點知見到邦仔,71.5/79,我忽然之間覺得佢係神,
之後到世史,71/100,
我覺得都幾高分呀,最衰做錯晒北大西洋個part同埋戈巴卓夫,呢兩part一分都拎唔到...
到地理,差唔多個個都好似有5字頭咁,
有54/70,真係好開心,吳淳X有59.5/70...
之後到最刺激既物理啦!!!
奶豐一收到份卷,佢自己都唔敢睇,睇完又唔俾我睇喎....我已經知道發生咩事啦,
一收到,1字頭....終於明白到奶豐唔肯睇既原因啦....
我全份卷加埋都得個24/80....完全無言囉.....
然後好野源源不絕繼續黎,
化學,又炒....得31/70,算算算啦!!!!!!
生物,唔講啦,合格就得啦....
到左數學,我都唔知補咩習嫁!!!得個56/100,
究竟邊個print生物同數學一齊考嫁!!!!!搞到冇溫過書呀!!!
朱哥已經升左仙啦....我衝過去睇,
我開頭見到佢95,我都覺得佢幾正常,點知原來後面仲有個+5,
竟然係100分!!!!我人生見到既第一個100分終於出現左啦!!!!
我覺得自己好樣衰呀,朱哥拎100分都冇反應,點知我係最癲個個,
我竟然係到大嗌,宜家諗番都覺得好樣衰呀!!!!
之後派M.C卷,派到朱哥個陣,我地睇,竟然冇寫分.....
有冇搞錯,潘XX竟然冇對卷,真係麻煩!!咁多時間俾你,你都唔對!!!
最後陳XX講答案我地對....
朱哥正常好多啦....錯左4題,我就唔想提啦...
之後小息俾我地調節下心情,倩兒同蔡蔡送左個袋俾我...
中作,原來奶豐先係強者....
計番個分,勁低呀!!!!
之後中文閱讀,我既目標唔係咁低囉....
得58分....點解要俾得咁緊呀!!!
英文G.E.,奶豐見到自己低過李X兒個陣,佢真係好唔開心嫁,
我地都知佢好想喊...話晒佢今次真係有溫英文,
但係我得49分,喊都我喊先啦....
到comp,奶豐又係得72,又係輸左俾李X兒.....佢又勁唔開心,
到listening,我叫左陶陶幫我睇分,佢話得,我先敢睇,
奶豐既72分終於到我啦....如果我d答案唔係寫係隔離,可以再高d嫁.....
兩科都同邦仔一樣分既...
之後英增,又係唔敢睇,但係都有73,後面篇作文得23分炸!!!!!
電腦,開頭真係唔敢睇,後來陶陶又話睇得先睇,
分就唔好講啦....陶陶係得既!!!又砌低左佢條仔...
最後普通話唔講啦,just okay!!!
放學,走上7樓搵miss wong,點知佢同左伍sir去左拍拖.....
番到屋企到1點幾個陣寶寶打電話黎,問我一唔一齊番學唱歌,
咁其實我都冇所謂既,就返去玩下啦....
2點番去,真係早...
唱左幾次就落禮堂,個校長又係到,真係煩到爆!!!
唱個首孔聖X(尼山日月個首),第一次播個陣寶寶笑,到左第二次我笑,
d音樂真係好難頂囉....超搞笑!!!
之後我地等到5點先開始,
我地企係到睇仔(d阿sir),楊sir打左呔勁靚仔,我地睇到發光,
譚佩X見到我地嗌,問我地睇中左邊個,講俾佢聽....
潘sir又走去打呔,但係勁梗突囉...藍色衫,但係條呔就係橙紅色.....
之後我地唱歌,唱三首,唱完就即刻走得lu....
走個陣,成班女童軍同埋red cross係到歡送我同寶寶...好壯觀,
之後走個陣竟然見到samson係籃球場到,條友仲係咁瘦,外國唔係要日日食肉嫁咩??
之後就番屋企訓教lu.....
點解今日俾我知道咁多秘密呀?????????
|
