今日冇早會,潘sir遲到......

上到課室,個個係到研究點做舊曲新詞,

我用左"月亮代表我的心"黎改詞,我覺得有一句作得好正呀!

第一二堂,中文,

無啦啦叫左我出去讀書,9分滿分,都有5分....ok啦,

物理堂,又唔知教咩,

落堂之後,我出去拎本功課簿黎睇,得12.5/15

我寫左個" = ",點知佢要我寫" : ",冇左一分,

我寫左5mins,點知要寫5min,冇左半分,

之後又話我冇題解,唔夠詳細,又冇左一分........算...

之後無聊拎左李海X本生活隨筆黎睇,佢作一首原曲叫良師頌,

我都唔知呢首係咩黎,跟住就被方雪X發現左,之後好似好大獲咁唔知發生咩事,

我連首歌係咩黎都唔知......好無奈....

英增堂,做TSA,難到嘔電.....

數學,仲講緊第11課,level two都唔識做,失敗...

lunch,唔記得做過d咩黎,

上到課室,又有得聽歌,不過竟然唔係播開平時個d英文歌,

竟然播愛不疚....個個係到唱.....

兩堂英文,miss chin要出去,俾左勁多野我地做.....

dict.corr.,comp.corr.,unit test同埋G.E.,做到傻左...

unit test未做晒就交,好驚遲d俾佢鬧....

之後音樂堂,分組同埋唱歌,

方雪X無啦啦嘔,嚇親呀!!!

放學上課室汁完野就落番去音樂室考唱歌,

氣都未透順就考,算啦......20分,

我覺得miss ma係比高左我囉....

我自己都知自己唱到走左音,樣衰到爆.....又要唔夠氣.......

之後即刻衝上7樓交數學TSA,見到gary同埋西瓜,

過多陣吳淳X又踩埋上黎搵老師,

西瓜過左黎同我同吳淳X傾計,之後俾李慧X見到,係到鬧....

我同吳淳X即刻閃....

期間我行行下跌左本中文問答落地下,仲要比我踩住左,

我又左抽右抽,拎唔到,好彩吳淳X幫我拎番,唔該晒喎,

個陣已經3點58分,佢仲拎住張白色個張野,

但係要係4點前交到校務處,都唔知佢交唔交得切......

之後佢去校務處,我就去陰雨操場睇三人籃球,

等左勁耐囉...最後等到4點半都未開波就走人lu....

宜家唔知係咪聽得多個首紅蝴蝶,覺得好好聽,

d詞又好靚,曲又好聽,吳卓羲又唱得幾好....好鍾意...

今日落雨冇早會,

上到課室,即刻做數學,

痴線嫁!!!做十幾題,想做死人咩!!!!

我尋晚做到兩點幾都係做得個幾題.......

到左數學堂個陣,原來潘sir唔check我地本堂課簿.....冇事,

之後佢又係咁係黑板做晒d題出黎,

我地又係咁抄係咁抄,抄得切又冇時間聽下佢講咩......CRAZY!!!

呢課完全唔明....都唔知點算好,

考試仲要考晒全年既野.....真係死得啦...

世史堂,俾左少少時間我地溫默書,我溫溫下個陣整跌左個筆盒落地,

點知全班即刻望住我,靜左幾秒之後,我講左句對唔住.....跟住成班係到笑,覺得自己好瘀呀...

之後默書,差d默錯左.....即刻改番,搞到佢話停筆我先岩岩好默完,

之後miss wong播碟睇,全部都係毛澤東...........

d歌詞笑死,d MV先驚嚇,無啦啦有個女人係咁撥頭髮,個個都話佢賣緊霸王洗頭水,

小息,邦仔無啦啦落左黎,乘機問佢數學....ok明啦,

化學堂,郁sir係咁扮鬼扮馬,又講埋d爛gag.....笑到肚得彎,

lunch,又話成個富善邨都會冇水,點知返到屋企先知取消左,無奈.

返到學校,上左7樓諗住搵潘sir拎數學模擬試卷派,點知等左十五分鐘都等唔到佢,唯有放棄啦...

落番去,又唔知做咩,

之後普通話堂,考口試,我仲以為一定會考到我,點知咁岩到我就唔洗考,

其實我想考埋囉,速戰速決咁考埋去就冇後顧之憂啦,宜家搞到又要等多幾日,煩.

中史,講埋d野同世史既差唔多,又係講毛澤東,

VA,整版畫,整到成隻手都係油墨,第一次整個陣ok成功,有一忽唔係好夠油墨,

之後拿拿臨整第二張,個陣都已經4點幾啦,之後極速地整整整,

好彩壓個陣有奶豐同傑哥幫手,唔係都唔知整到幾時....

整完個陣都已經過左4點半啦,我約左姐姐4點半補習,

之後整完手都未洗乾淨就即刻走人,

一出到學校門口,又大風又大雨,把遮都就黎吹走,勁恐怖,成身濕晒....

上到樓,原來阿媽唔係屋企,搞到姐姐要係門口等........

之後懵懵下咁補習....