今日真係忙爆.....
物理堂,冇聽書係到做中史作業,
英增堂,竟然唔記得溫經訓,臨打鐘先記得,即刻望番兩眼....
經訓堂,其實我係完全唔識背,好彩佢發現唔到.....之後又抽唔中我,
哈哈...個八婆唔識背.....
小息,邦仔真係有我心啦,識得拎本中史作業同grammar book落黎俾我抄,
跟得我多醒目左喎....
之後蘇國昌同王X禮又係到玩彈彈波,點知蘇國昌一彈就彈左落樓,之後仲要彈到出左學校停車場門口到,
個個即刻衝去窗口望,俾個校工發現左呀.....大獲啦今次.....
電腦,我唔識整access,就做作業,
英文堂,好似講grammar book.......
lunch番到黎,咁岩又俾我見到邦仔喎....天注定嫁...
俾我捉左入課室教我數學,原來佢都係唔識,仲要搵清哥幫........
期間miss莊忽然黎左我地班,然後仲要望住我行過黎,我仲以為佢發現邦仔,
點知原來佢係望住我把扇....佢勁有興趣....
地理,又唔洗小測啦,跟住教書.......
個奶豐拎左我把扇黎玩,係到扮女人.....但係又扮到幾得意喎.....
數學,完全聽唔明,都唔明佢教得咁快做咩....
個八婆今日真係樣衰死啦....話說佢想屈低身去整番d中史作業,點知佢竟然失平衡,
差d成個人跌左落去,個陣明明好專心做緊數學嫁....俾佢搞到做唔到功課,笑到肚都彎呀!!!!
之後班主任課,講四川大地震,播片睇,睇到有d想喊......
但係個人唱歌真係唱得幾難聽,
之後潘sir問個男人唱歌係鼓勵邊個,八婆即刻勁大聲話佢識,佢答左妹妹,仲講埋係邊到搵到答案,
但係其實妹妹係個男人唱個首歌既歌詞..........笑死.....
臨放學個陣終於到左最唔想到既時刻啦....就係派成績表,都唔知點俾阿媽睇............ |
