今日落雨又凍番,搞到唔肯起身,
返到去好似溫緊物理,雖然我係完全放棄晒物理,
但係點都要望幾眼,真係唔可以俾物理一科拉到去谷底囉.......
之後集隊,潘sir嗌左勁耐都冇人理佢,全級都樣傾計,只不過我地A班係排好隊傾計.....
點知個梁X雲突然黎踩場,一黎到又用英文鬧人.......
係咁鬧係咁鬧........但係始終都係冇人理佢.............
我地A班真係乖啦....比我地入禮堂溫書先,正呀!!!!!!!!!!!
之後個幾班就要繼續俾惡魔訓話........鬧左勁耐.............
一入到去即刻溫地理,勁多野記囉........我個腦已經爆晒quota啦,真係插針都插唔入呀!!
之後邦仔發現自己冇帶量角器喎,係咁問人有冇多個,
佢諗住問朱哥啦,但係又遠得濟,咁就叫我問,
我講左幾次朱哥都好似唔明咁,我又驚俾老師鬧喎,所以我就用左一招新技術----------->傳紙仔
一種失傳已久既傳紙仔回歸啦!!!好好玩呀!!!!!
之後奶豐見我地玩得咁興奮,就叫我join埋佢一份,
好啦,見你咁有熱誠,就join埋你啦.......物理唔識問佢啦,佢竟然答我喎....平時佢好少理人嫁.....
臨考個5分鐘我先開始溫物理,拿拿臨塞晒d野入腦,
之後考啦,check卷個陣見到d題目已經心知不妙啦,
第一題mc我都諗左勁耐呀!!!!
後面個d都唔知講咩野,完全冇一題係肯定自己會岩囉.......
都唔知個張X光有冇教到,完全唔知方向的量值係咩黎,個棵樹俾兩條繩扯住又唔知講咩,
我連題目問咩都唔知,完全唔識答囉...............
今次肯定炒硬囉.....60分滿分,20分都唔知拎唔拎到...
一話收卷個陣個個都面露不悅呀.....
小息,係咁溫地理,但係完全入唔到腦,
小息完左入番禮堂考啦,一派卷見到d map reading已經o晒嘴囉......
之後做到去pie chart個陣唔對路喎....計極都計唔到,
之後即刻skip左呢part做後面個d先啦,
點知後面個d又係咁難...d英文題要人complete sentence喎,
要complete sentence唔係問題,但係你俾得咁少時間我地,我地識寫都寫唔切啦.......
搞到我每題都寫一句就算............
個奶豐真係癲嫁!!!竟然仲有時間check卷,係咪英文勁就真係大晒呀?????
收完卷之後係咁傾計,我問佢地有冇睇美女廚房,點知得奶豐一個有睇,
講番琴日個安祖娜嬰兒,奶豐知道佢係中德混血兒之後對佢勁有興趣,
跟住我地講Amanda中文係咩,竟然俾我諗到叫"阿孟達",其實都幾好聽啦.......
跟住又講下that's not my name呢首歌,又講下d歌手野咁,好多野傾呀!!!!!
派完d unit test又要收學生證,收完學生證又要派數學TSA喎,忙到傻......
搞到唔知幾點先放人...........
|
