今日一上到課室就勁勤力咁溫地理,因為勁驚會抽中我....

早讀之後就地理,哎呀...人地第一次好勤力咁溫書,點知佢竟然冇問書,

講左少少作業就講project啦.....

之後英文堂,又調左位lu...

嚴唱歌要坐係王X禮個位,然後清哥坐係我隔離喎...

咁都幾好呀...起碼有個"猛料"睇住我

之後對grammar bk,好驚佢要我答d唔知咩問題呀...

好彩咁岩到我就淨係答MC題,平安地度過啦......

之後數學堂,對番上次個test,之後歷史性咁話俾一分鐘我地休息呀...

真係好好記住呢一分鐘呀...下一次都唔知會係幾時

之後又俾數我地做,做6題數,跟住有一題係講雞同兔既腳加埋有1600隻,

但係我地又唔知兔有幾多隻腳喎...然後潘sir竟然畫左個異形出黑板,仲寫住話"我係兔子,我有四隻腳"

笑死成班...不過今日潘sir唔知受左d咩刺激,異常地好好人囉...

返到黎,唔知做咩,去左5樓搵顏狗拎朱古力食,拎左粒之後,

我又想拎多粒喎...跟住咪話冇食過囉,yeah!!咁就多一粒lu...

之後中文堂,默書,唉~~最少默錯三個字呀!!!

之後又做TSA既speaking,

it's so boring!!!!!!

最後普通話,o...劉X兒話上埋今堂之後佢就要去進修喎...

好似去兩個星期...會有個代課老師黎喎.......

之後講廣普對譯,張紙好多野打錯左

嘩...吳淳X真係勁囉...咁都知道錯既...

之後又做作業,好快就落堂lu...

放學留低做壁報,不過當然係冇做過野啦..

自己係到做數學,咁岩顏狗又落左黎喎...

咁岩我又唔想諗野喎...咁就梗係問佢點做啦...

教教下,miss chin踩左上黎幫我地改番本dict.

本來miss chin都睇唔到顏狗嫁,點知顏狗勁主動咁同miss chin say hi喎...

不過最後顏狗都冇事,miss chin仲問侯佢tim....

最後個題數又唔識做喎,顏狗又唔識做,

好彩清哥係到姐,佢幫我做.

YEAH!!!天才真係天才,好快咁幫我搞掂埋條數....

令我唔洗帶本數學書返屋企,負擔輕左好多呀!!!!

之後冇野做,大家4點半就散水lu....................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上個星期係包既生日,我地星期六就同佢慶祝啦....

有心的我同埋兒勁有心咁整左曲奇同埋焦糖焗蛋俾阿包啦,

嘩...我地唔計買野,整都整左4個鐘呀!!

不過製成品就梗係勁成功啦....

之後拿拿臨咁即刻送到去包屋企,嘩...間屋企真係爆靚喎...

佢見到我地咁有心都勁開心...佢都話d野勁好味,

真係好正,唔係講笑嫁!!

之後即刻出旺角,

6點幾就去到新世紀啦...即刻去嘉禾啦...點知場場爆滿晒,得番頭一二行...

之後又諗住唱k,點知要$13X喎...有冇再貴d呀!!!

所以我地食完野就去影貼紙相啦,影得好靚呀!!不過放大個陣唔夠墨,變到一間間囉,

影完就去朗豪坊啦...個陣都已經9點幾啦,

行左去H&M,好大呀!!!

人生第一次搭個條咁長既電梯炸...嚇死我呀!!

之後周圍行,但係都揀唔到禮物...

行到11點幾就搭火車返大埔lu...

返到去12點到,我地仲食埋許留山tim...成為個晚既最後三名客人,

12點幾先返到屋企....

真係好充實的一天呀!!!!!

今日早會冇特別...上課室個陣又係咁靜...

數學堂,潘sir勁遲先黎,但係我又要收簿,又要整回條喎...

搞到冇溫過書囉.....

之後潘sir一黎,就叫即刻收野測驗,

唉~~其實份卷唔難嫁...係我衰!!!

好後悔自己點解唔溫書呀!!!我記得書有題數好似速率個題嫁!!!

真係好後悔呀.....宜家合唔合格都成問題...

測完驗之後教書,教一陣又俾功課,好彩俾得7題數姐....不過都唔識做.....

之後八婆係到串潘sir喎...潘sir係到同佢講對唔住...

世史堂,miss黃好似帶隊出左去,淨係要做一張工作紙,

亂咁做....之後又做數學,唉~成堂做得一題數......

小息,繼續做功課!!好乖呀今日......

killing左呢7題數啦!!仲做埋生物tim...好勁呀!!!!

化學,冇得做實驗好悶呀,但係又訓唔到喎...呆坐...

lunch返到黎見到顏狗,好野,有朱古力食!!!!!

好好味呀!!!諗住上5樓拎多粒黎食啦...點知唔俾我食囉.....

咁就落番4樓啦......係到播歌,我地企係黑板到"估歌仔"

嘩...真係估唔到小酒渦都有得播喎...

估估下另外一首個陣,方x儀突然地大嗌喎,全班靜晒......

原來係飛輪海個首越來越愛(好似係)

之後又聽啦...成個lunch就係到聽歌啦.......

V.A啦,今日整番個陶泥,話我地個班傷亡慘重,好多個都燒到爆左..

搞到個個勁驚呀!!!點知佢又話有三個人既陶泥未燒完喎....

然後講呢三個名出黎,

第一名幸運兒係Peggy,第二名係........徐樂怡呀!!!!!!!!!!!!!!!!!!!!!!!!!!!!

嘩...我即時大嗌呀!!!!即係話我個陶泥仲有一絲希望係未爆嫁!!!!

我同Peggy興奮到傻左......

第三名幸運兒係嚴唱歌.............

Yeah!!!不過就算我爆都唔好累到佢地兩個啦......

之後派番佢地d陶泥,個個勁驚,得我,Peggy同嚴唱歌勁輕鬆...

好多個人都甩左好多野出黎,不過我諗最嚴重個個都係奶豐,

佢個個基本上係已經碎左嫁啦...所以佢成堂用白膠漿黏番...

其他個d就上釉色...我就係到做筆記...

之後要抹枱,我地個組猜包剪揼,我輸左,要用d勁污糟既布抹枱....

嘩....今日都唔知做咩,d時間過得勁快呀!!!

好快就落堂lu....

上左5樓睇下蔡蔡係咪到,佢地個班整緊壁報lu...我地個班依然冇起色...

落到去,見到傑哥,佢係到等奶豐....

之後倩兒走先,我同傑哥去操場睇奶豐...

車...我仲以為奶豐會著綠油油既童軍衫步操tim...

點知佢淨係企係到睇f.1步操,

唉~~d f.1真係慘,蘇眉同miss ma呢d最惡既老師係齊到呀!!

鬧得勁恐怖呀!!!我同傑哥唔想再睇d咁殘忍...於是去左學校門口張梳化到坐,

嘩...第一次坐張梳化炸,好軟呀!!!我一坐成個人跌左落去...

係到同傑哥傾計...傾到4點45分奶豐先走得人,之後就一齊走啦...

番到屋企食d野,就去探嫲嫲...

唉~~隻手俾d針插到漲晒.................

6點幾就走人lu.......