第一堂,數學,ok易,冇咩問題啦...
之後P.E.,今日女仔考羽毛球,男仔就跑10個大圈......
伍sir話有兩個人係冇拍喎...咁岩就係我同倩兒搶唔到拍,
伍sir淨係俾左個羽毛球我,我都冇拍,你想我用手打呀?????
搞到我同倩兒冇得打,坐下到睇佢地打波......
d男仔傻嫁...跑10個圈咁快嫁...
最快係奶豐,9分鐘2X秒...(唔記得左),之後就係清哥,又係9分鐘...(又係唔記得左),
哎呀...清哥差少少炸,就可以同奶豐一樣....
不過我地個班d男仔已經唔係叫勁嫁啦...邦仔都快奶豐啦....
睇番女仔,方雪X同楊佩X真係爆晒大冷喎....
擊敗晒全班女仔囉...連係校隊既金金同張鈺X都擊敗倒,真係冇野好講....
睇番男仔,佢地跑完大圈就踢足球,
佢地踢踢下個陣,清哥竟然可以大力到踢左去救恩個到....
之後佢地即刻同伍sir求救,伍sir好似俾左兩個方案俾清哥,
最終清哥要自己一個人行去救恩拎番粒波......好搞笑呀...
小息唔記得,
英文堂,又教grammar book....
太無聊既關係,同清哥傾計,講番佢今日去救恩汁波既經過,
佢話一去到救恩,原來有成班人上緊PE堂,都唔明點解佢地唔掟番個波黎....
尋日手球班男仔掟左d手球過去,佢地都會掟番過黎啦.....
lunch返到黎,唔知做咩,播個d歌又唔識喎.....
中文堂,做TSA既視聽評估,張sir話我地淨係聽唔睇喎.....
車!!你都冇整全螢幕,我根本睇唔到囉......
之後生物堂,
唉~~默書都默唔切....齒冠,齒頸,齒根我淨係寫左冠,頸,根,
跟住個髓腔我淨係寫左神經,又寫唔切個血管喎......
唉~~真後悔點解唔畫幅圖畫得快d呢......
李安X係快到幅圖塗埋顏色囉......
之後講書....悶得濟,我好大膽咁問左李X兒一個我想問好耐既問題,
我問佢有冇睇電視,佢話佢有睇新聞同埋亞視既唔知咩野,其他都冇睇到....
放學,諗住上5樓問邦仔借grammar bk,點解個衰仔唔肯拎,
好彩文X恆肯借俾我...呵呵!!!
返課室留低整壁報,但係實際上係冇做過野......
好核突呀!!!!佢地print左張日本女AV相呀!!!
但係又唔係三點露晒喎...但係勁核突囉...我笑左5分鐘都停唔到呀!!!
不過清哥好搞笑囉...我地叫佢打格仔,佢竟然打左係個女優既面到......
最嘔心個d又唔打格仔喎....仲有粗口(?uck)呀...咁都唔打格仔...
之後個個拎晒部電話出黎聽歌............
嚴志X部電話竟然有安室奈美惠既電視廣告歌喎....笑死!!!
我部電話俾傑哥同奶豐侵略左啦.....
成部電話入面d野俾佢地睇晒,連我同兒d相都睇晒囉.......
好彩我行得正企得正,冇野係唔見得光姐......
跟住我地hea多緊就同倩兒,楊佩X&方雪X去買針同冷啦,
我地太熱既關係,真係唔可以唔買雪糕食囉...
食左第一啖,成個人即刻爽晒囉...
之後周圍行,都係買唔到,行到去昌運mcdonald個陣,竟然見到西瓜同文婉喎...
不過同左佢地買野先,但係又唔岩喎....
搵番西瓜,原來佢要去睇醫生,但係又帶唔夠錢喎...咁就陪佢睇啦,
倩兒佢地就去大埔墟買...我就陪西瓜去大元睇醫生...
一入到間診所,竟然播緊Shayne Ward既no promise喎...
嘩...首歌好耐都冇聽過啦...之後仲有Britney既everytime同埋trademark既only love喎...
好好聽!!之後我同西瓜又勁無聊咁量高,
我量到有162喎...不過如果唔計對鞋既話應該得161,
西瓜度到有164,唔計對鞋應該有163既...西瓜真係高!!!
睇完出番黎,話佢感冒,之後俾錢啦...
好彩西瓜叫我陪佢去姐,如果唔係佢就唔夠錢啦......
之後又陪佢周圍行街,好耐冇同佢行過街啦...
行到6點幾就散lu....
|
