尋晚太夜訓啦....今日第3個鬧鐘先肯醒,

之後同Kityi去麥當當食個醒神早餐,食完真係醒神晒!!

食完去買野食野飲,之後就搭75K去大美篤,

去到,我仲以為去錯地方,搵個人都難.....

之後竟然無啦啦落雨,我地就係咁等係咁等,

停左雨就去租單車,$25一架都幾平喎,

之後就踩上去"提霸",踩到上去,好似就黎死咁,

簡直就係難以用言語形容,所以就等我用首歌黎表達我既心聲啦!!!

容祖兒   逃

攝氏四十八度　跳著野蠻的舞
祭祀那樣舞蹈　企圖以後不老
進入秘密國度 (永恆國度)

我都已經豁出去　忘掉置身哪裡
除下宿命的規舉　縱容著我的原罪

腳下舞池化做了霧　身畔的人影在起泡
記住這段法術舞步　一路跨入虛幻裡
不想再做女奴　旁人話好都不要做
是我不想再被駕駑
逃亡潛伏到　光的領土 
            .
            .
            .
坐定坐定那樣要命　不如起立出來火拚
這段舞就是革命　這個宇宙我是煞星

難怪天黑那時　亮了眼睛
難怪出一晚汗　才能盡慶
連恤衫都透明　頭頂彷彿有星
誰稀罕過安定　(怕熱　怕悶　怕焗　怕靜) 
             .
　         .
　         .

我不再身處這裡　存在已不有趣
情願拋下這身軀　騎劫逃脫工具
跳高跳低跳出去　逃入妄想哪裡
前度的士高之女　已在那一邊甜睡

希望大家明啦....個陣真係熱到想死,踩緊單車個陣一滴風都冇,

去個到踩左一陣,全身都紅晒,個頭係咁滴水......

之後即刻落番去避暑......買野飲!!!

我一開頭即刻買左菠蘿冰黎食,一食,簡直係爽到爆!!!

食完就去抹身,之後再買多支野飲,坐左勁耐,又周圍踩,

其實我係第一次踩單車(大家唔好笑呀),我踩到已經覺得好勁嫁啦....

俾d時間我改啦,我唔會再左搖右擺嫁啦.......

我都唔知點解我踩單車會踩到傷痕累累,

又有水泡,又瘀,又損,又甩皮......最重要係曬黑左!!!!!

我終於曬到黑,我平時一曬就會變紅色,跟住就甩皮,最後就白番,

今次係完全冇呢d事發生....正!!!!!!!!!!!!

之後我地休息緊個陣,竟然無啦啦行雷,大聲到就好似有人係你耳仔隔離開槍咁,

超級無敵爆恐怖,我仲低能到勁大聲嗌左出黎,

不過個個moment係全場都嚇到o晒,望住個天,

之後又周圍係咁踩,踩到4點落大雨!!!最後還車走人....Kityi好搞笑,

個巴士司機好好人,俾我地入車等,但係要等勁耐先開車,

之後就番屋企lu....

今日11點半同寶寶搭271去文化中心,佢係富亨上車,我係富善,

之後12點40分先落車,

唔知點解無啦啦唔見左條馬路,明明上次行都行到嫁.........

搞到我地要勁兜路.......最後要遲到,

不過點知西瓜仲遲,我仲以為佢係屯門點都會快過我地......

星期日都要著校服,真係勁樣衰,有兩個form2竟然冇聽人地講野,著左便服,突出到爆,

之後就入場總綵排,又可以見到d法國仔啦!!!

唱得個兩次就唱完.....

我地幾個就出左去睇水,

點知寶寶同個八婆俾校長梁X雲見到,

佢地仲話梁X雲係咁講:何中既同學!!(佢係追住寶寶同八婆講)

真係搞笑!!!

佢地就好啦,可以搶先一步見到梁X雲個女,佢地話佢個女戴住個頭箍,好有童真啊.....

之後我地就要坐定定等觀眾入坐,

成班何中都金晴火眼咁睇梁X雲成家入場,

望左勁耐,終於望到佢成家入場啦!!!

佢個女比我想像中都好樣好多(雖然我地係好遠望佢),

佢個husband都唔似係佢husband咁既,遠睇佢老公好後生咁....

之後d人入晒場啦,個show就開始啦,

一開始就係法國合唱團唱,佢地唱得勁好聽,

差唔多首首歌都有人solo咁,

第三首歌好似係"天國的雞批"每當好慘既時候就會播既個首歌,佢地真係唱得好慘.....

唱到中間中場休息,行行下竟然見到有個法國仔係間房到出左黎,

我地雖然真係勁想搵佢地影相,但係我地都得係個講,

點知真係有人勁唔知羞,竟然夠膽敲門問攞簽名,

d人敲左勁多次門,終於有個中年女人出左黎,

個女人已經勁唔耐煩嫁啦,點知班女仔仲敢問:Can you give me a sign?

個女人勁決絕咁話:No!

睇完戲就入番去lu.....

一開始,竟然有班香港童聲合唱團(全部都係3歲半至六歲咁)出左黎,

佢地好搞笑呀!!!!一開頭唱崖上的波兒(日文版),佢地d動作笑死,

之後唱埋何家公雞何家猜and麥兜狂想曲,全場都拍爛手掌!!!

之後無啦啦大合唱,係毫無心理準備下.....

一開頭唱個普通話先,我發覺係冇人背熟呢首歌嫁,個個都唔識,亂黎.....

之後到法文個首,我反而識唱呢首喎,但係都係亂唱,

之後就好似係法國人做歌劇,完全睇唔明佢地講緊d咩,

最後佢地encore三首歌,我地拍手拍左勁耐,痛到爆,又冇人停.......

之後走,有簽名會,勁得意個細路都有份,但係都唔知咩事,勁多人排隊等拎簽名,

哈哈,原來熊太好似黎左搵熊sir,不過我地都睇唔到...

我地搭火車個陣,係咁傾去挪亞方舟帶咩好,講得好興奮!!!

希望快d去啦!!!