今日第一日早會,竟然係個廢友主持....

上課室之後等李X如黎,因為一早知會分班上堂,所以一直都求神拜佛,希望唔好同李X如一班,

果然個天真係有聽我講野,李X如冇讀我個名,姐係我就要落去跟第二個老師上,

實在太興奮啦!!!!

但係點知得我同番薯兩個女仔要落去,其他全部都係男仔.......

去到地理室,見到徐美,傑哥咁,

之前李sir又話佢教細班,點知教我地個個真係叫李sir,但係唔係我心目中個個李sir囉......

但係都好,睇樣佢都唔係好惡,

之後就random分組,

嘩,真係正到爆!!!可以同徐美,傑哥,kai生一組,4個都識,

之後又諗組名個d野,我地係第一組,所以叫一支獨秀!!!太有氣勢啦!!!

其他組都改得勁搞笑,第7組叫seven-eleven,

第6組叫符符碌碌,第三組叫三國演義........好正!!

傾完之後就已經落堂lu.....我地又上番課室上maths,

淨係收下回條,問下問題咁....好彩冇教書,因為琴晚冇備課,

小息,唔記得自己做過咩黎,

中文,兩個老師一齊上堂......

好悶...個黃XX竟然係到講菜心炒牛肉,

我feel到班男仔聽到就黎訓著,

最後講到12點半就放學lu.....

今日阿媽勁低能,6點幾就話遲到,

仲要一嗌就嗌到成家起左身,之後家姐係到笑.........

之後等到7點45分就返學,我同寶寶同陳X昕就坐係禮堂到唔知做咩,

等左一陣就話唱一次試下咪,但係個陣根本冇開咪囉....

我就淨係識笑,笑到完全唱唔到,我仲要笑到影響埋佢地兩個,

打左鐘又上番課室點名,由地下衝上6樓既感覺簡直難以形容.....

之後要逐個逐個咁量體溫,個陣我都已經feel到我好熱,但係唔係發燒個種熱,

果然真係話我發燒,有37.5℃,之後仲有清哥,老gun,陳X婷都係,

之後佢又話check多次,點知最後冇check到我.......

之後就話排高矮,我矮左勁多,好似有8個人企係我後面,

排完高矮就編座位表,今日唔知做過d咩黎,黑到你咁都得.......................

我竟然要坐單丁位..........後面仲耍係張X希and葉XX,

唯一可以安慰既就係同洪明坐,仲有個locker係隔離.........

排完同陳X昕又要衝番落去,入到禮堂等晒d低form就開始,

之後我地唱完國歌同校歌就即刻走人,又衝上番課室,

曾sir係咁派野,個個一收到本手冊,o晒嘴,真係小學都冇佢咁colourful........

第一次見到d手冊係彩色嫁......入面仲要有心情指數,正到爆.....

派完野又要落禮堂,

要對住4A既同學們唱歌,簡直係酷刑.........忍笑一直都係我既弱項,

真係好驚.....唱個陣我真係忍得好辛苦,

仲要見到班男仔係咁望住我地...........所以我有一半時間都係咪嘴,冇唱到,

唱完係到聽梁XX講廢話........

聽到12點就完lu......

落5樓等4B,潘sir真係勁,咩都未做.....

等左勁耐,奶豐個班人真係得閒得滯,走去打電話震文裕,張X俊,傑哥.....

真係好低b....

等到12點半,潘sir終於肯放人lu...