今日繼續冇早會,

一開頭係通識X2,我同番薯同8個男仔要去第二個班房上,

之後我同番薯去左6樓新翼睇,冇人,再落5樓,又冇人,

再落4樓班男仔又話冇,三樓又冇,之後我地又要死死氣咁爬番6樓,

又去左新翼睇,仲係冇人......個校工見到我同番薯周圍行,都係咁笑,

最後成班係番班房門口搵Ms.Wong,等左勁耐Ms.Wong話係6樓新翼,

我地又去,終於見到個人啦!!佢個look有d似師奶.........

本來9點35落堂,點知9點20班4C都未黎,我地仲以為佢地去左遊花園,

點知原來去左影學生相..........

之後econX2,終於講少少機會成本啦,

但係整體黎講都好悶.....

小息,我地已經汁定書包,打鐘就落去lu,

仲以為上P.E.會好開心,點知度完高磅完重伍sir話係自由時間,

但係又唔俾買野飲,電視又唔俾開,冷氣又冇得開,咩都唔做得,

成個鐘都係到發牛逗.......到左差唔多放學,

有宣佈,但係我地係操場一d都聽唔到,淨係見到何副校係到鬧我地+講野,

估唔到學校會中招,但係一d緊張既氣氛都冇,d校工就戴晒口罩,

放學之後係禮堂門口等埋蔡蔡就返屋企lu.......

好耐冇打啦......

今日一上到課室,又要爬過去搵邦仔,因為對住d數學實在有太多問號啦.....

之後兩堂econ,分組個陣焗住要同寶寶分開,

之後唔記得做咩............

econ之後就係bafs,

上堂個陣有一半時間都係笑,葉XX唱歌呢d唔洗講啦,

期間Ms Woy話form 1有個人姓張,英文名叫Hill,所以d人叫佢做Hill張,

之後葉XX又話香sir英文名係John,所以叫做John香...........

笑完之後小息,差唔多完個陣話我地班影學生相,

之後得我地幾個女仔落左去影,影完成班先落去,

之後教書,其實有d唔係好明......

but條公式就明白既.....

咁快就俾10題數我地,仲要聽日交.....

痴線....咁快就有咁多功課.................