又係好耐冇打blog啦.....因為真係好唔得閒,

今日係早讀,佢地個d係到溫通識,我就係到作埋篇listening comp,

曾sir係完全發覺唔到.......正!!

頭兩堂通識,講愛滋病,講到最後仲有少少時間剩,

阿sir無啦啦問我地覺得佢俾功課我地俾得多唔多,做得辛唔辛苦,

我地o左幾秒......因為我地接受唔到一個老師竟然會問我地佢俾功課俾得多唔多,

之後我地叫佢唔好一次過俾咁多功課,同埋唔好隔咁耐先交....因為我地成日唔記得,搞到前一日要拿拿臨做,

跟住佢話好,佢會改進......聽完之後好感動,點解會有一個咁好既老師嫁??真係搞到好鍾意佢......

但係真係好憎個乸型(詹XX),佢好衰呀!!成日唔專心上堂,竟然咁對李sir!!!

之後李sir又問我地全球化開唔開心,我地全部都答唔開心....跟住佢話佢大學又係讀全球化,

咁早知就你教晒啦.....................

之後兩堂數學,

講個d upwards同downwards......唔記得晒,

小息,係咁數簿......總之就好混亂,

之後三堂中文說話,

我同文婉撞左題目,都係講對奧巴馬獲得諾貝爾和平獎既睇法,

我出去個陣,我淨係知我全個人都係僵硬晒.....

之後佢竟然話我笑笑口有親和力.....哈哈,咁都得!

我一講完,個顏狗話我講野好似男人,話邦仔似女仔,

雖然我似男人,但係起碼我說話高分過佢,可以慢慢串佢........

lunch,個baby又鬼死咁得意啦.....係到扮隔離個狗叫(因為隻狗琴日嚇親佢),

番到學校,繼續點簿,

之後英文x2,ms fung今日唔知做咩咁春風滿面,

又係到唱歌,又係到講普通話,笑死成班.

但係佢又俾勁多功課我地......真係救命!!!

geog兩堂,冇聽到書,

成堂都係到同婷婷交換情報,正爆!!

最後要留係課室中文補課,黃老太未黎個陣,個個都係到玩,

嘉希係到用支消毒藥水周圍整人.....個個都中晒招咁濟,

之後睇文代活動報告,佢咩都冇寫到.........

文薏靚女d評語有成版紙,但係佢唔俾我睇,勁秘密,

之後補課,開頭好悶,

後尾因為一個大笨象笑死成班,

最後補到5點走人.....眼訓死..........

呢個星期都唔知做咩,阿爸阿媽由星期一開始,日日唔係去食閒餐,就係去飲酒,

日日都見得佢地幾面.......呢個現象將會維持到星期六,真係陰公.........

好啦,呢排冇咩點打,等我打番琴日孔聖誕先,

琴日8點起身,之後上網,換衫......搞掂晒就番學,但係竟然唔記得要食早餐,

番到學校,等miss ma,本來有好多f.1要唱,但係d f.1中晒招,

跟住miss ma要強迫d f.3幫手唱.......

上車,同西瓜and文婉傾計,之後自己聽歌,

搭左成個鐘就到啦,去到伊館,都係到呆坐,

排完高矮之後,要同佢地分開坐,之後又繼續呆坐,

因為要等班麻煩大嬸..........

等到佢地,唱.......

係我附近個幾個人全部都係咪嘴,

梁X雲係到冤枉d男仔,話佢地冇聲,其實最大聲係班男仔,

之後個李X華又係到話事,佢真係唔識死....之前俾人插到咁都仲係咁多野講,

唱完就食野,好肚餓......真係激氣,搶唔到肉醬意粉!!!最尾要食粟米肉粒飯........

食完同陶陶佢地傾左陣計,之後又呆坐,

等到兩點幾先開始,

係咁意誇張咁扮口型唱完就搞掂,

之後詳情唔講咁多啦,因為好悶,

最興奮都係見到大奶奶,

唱完粵曲之後係到宣傳官心計,笑死!!

我見到佢好好人,何副校係到捉實佢隻手落台,

之後香sir拎咪,大奶奶都勁好對住佢,

之後睇八德舞,見到晴晴細佬同陶陶細佬,

點解佢地可以戴眼鏡嫁?????????????

睇完已經7點lu.....我地可以勁快走,

之後同miss ma講happy birthday,佢要去食飯......唔同我地同車,

伍sir同miss wong同我地同車,佢地兩個分開坐,

個八婆勁衰,係到"liu"周迪迪講野,話好想認識佢,好彩文婉叫周sir唔好理佢,

之後佢又走去搵伍sir同miss wong傾計,

真係睇到我火滾!!!!伍sir除左係miss wong,仲係我既!!!!!係到同我搶!!!!

之後我地番到何中,A班先岩岩上車.......

番到屋企,求其食左d野......之後8點幾就訓著左........

個陣我都唔知佢地番左屋企未~~~~~~

------------------------------------------------------------------------------------------------------------------------------------------------------------

最後,倩兒生日快樂!!!