今日番數學,

真係好食屎,估唔到佢仲記得舊年我地3A班,佢黎睇堂個陣,俾佢鬧到7彩,

最離譜就係佢仲記得佢鬧我地個條數,話我地個條數咁簡單都要用計數機,

唔可以唔同佢講個服字............

嘩~4A班得個十幾個男仔,男女比例係極度唔平衡囉.....

姐係證明女係勁過男既~~~~

第一日就派咁多張工作紙俾我地做,

仲要做我一向最唔識既factorize.......完全唔記得晒點做,

一到小息,搵gary同朱哥幫手,其實gary同我level差唔多,

朱哥就分身不暇,我問完佢就到陳X昕問,佢係咁走黎走去,

奶豐個班人係痴線嫁,點解佢地會識做嫁???

小息完左又繼續計數....

計到傻左,佢實左太恐怖啦!!!!對住佢都要打醒十二分精神!!!

點解奶豐同gary都問我係咪讀A班嫁~~乜我真係好差咩..........

今日番地理,

我諗今日全級都係黑仔嫁啦....d老師真係.......................

要黎既始終都要黎...點避都避唔到,

一上到課室,郭sir就問我地"What is geography"

之後我地就分組傾,我地基本上係寫番晒呢幾年學過d咩黎,

之後就逐組出去講,全部人講完就小息,

小息個陣,我問佢地有邊個想補英文,

點知反應係十分踴躍,哈哈!!有人陪我去啦!!!

小息完左又繼續上,佢就解釋what is geography,

我一開頭仲好比心機去聽佢講野,

點知之後好似慢性中毒咁,越黎越眼訓,隻眼越黎越細,

最後全班都好似訓晒咁.........我同陳X薏都唔聽佢講野,係到睇書,

李X兒個班真係強,佢地真係冇眼訓既跡象,太恐怖啦........

最後佢好準時咁12點放我地走,見到番物理個d,真係同病相憐........

佢地一放學,聽到個個都係唉~~~~

佢地唯有節哀順變啦....最多以後我地一齊自修..........

點解我數學本野有得抄,都抄到就黎死咁嫁....抄功課都嫌辛苦,成個廢人咁.