今日心情真係大起大跌呀..................

頭兩堂派econ,超緊張~~

佢開頭派左幾個,個個都話有好大既進步,

點知派派下,發覺有d唔妥,點知佢原來拎左上次份卷~~~嚇死人,

之後佢即刻落去拎番d卷,俾我地恥笑囉.

今次又係婷婷最高分...真係唔知佢點解會勁到咁,竟然有93分........

之後就到Kary,都有八十幾,再之後就係話要拎5個A既carlos,得70幾......

再之後就係話肯定會低分過我既傑哥,都有70囉....成日串串串,話死硬,記住請我食麥當當呀!!!!!!!!!

再之後就好似到我lu..已經去到62啦.........第一名到第五名已經相差三十分,恐怖~~~~~~~~

之後都唔講啦,因為我都唔係好清楚,

我錯埋d白痴野,搞到冇左幾分囉....冇寫"q"就冇左半分,冇寫demanded又冇左一分,

最低能係price elasticity of supply我竟然睇左係demand,4分咁就冇左..........

但係合格都已經ok既.....

之後派bafs,估唔到miss woy效率咁快,竟然改好晒...

miss woy冇入到課室,已經俾人圍住晒睇分,我幾經辛苦先見到自己幾多分,

今次有74分,真係唔錯嫁啦....睇完自己個個就睇下邊個最高啦,

痴線嫁!!!carlos得償所願,有93分,拎a.....之後kary好似90.5,婷婷都89.5,

佢地完全係商科鐵三角,頭三名佢地玩晒.....

但後我之後睇番全班d分,我都係全班第六,都唔錯......

小息去圖書館搵miss yuen...

之後派數學........恐怖,驚到傻...

我特別受到曾sie優待囉...咩料,佢派卷俾我,話有野同我講,提番我d低能野,真係好低能既野........

今次30/64,都算合格既.....但係真係好低能都錯....

早知最後個題唔做....原來全班冇人岩,枉我浪費咁多時間...計perimeter個題仲好....

不過算,呢個世上冇早知....

lunch之後派中文,改得超快.....

自己計分,有55.5分,文言文個part錯到傻.....

跟住婷婷叫我幫佢計,佢話唔信佢有70幾分,

不過事實真係咁高分....勁到爆!!!!

派完中文又英文啦.....開頭佢話改comp.嚇死我,幾驚冇得派卷.....

之後個個出去拎,我見到自己份卷57,我o晒,即刻問佢乘左100per cent未呀.

佢話未...我完全接受唔到囉...................

乘番之後未有85分,咁咪拎到a??????????????????????真係unbelievable呀!!!!!

高分過一哥奶豐一分,不過個個唔係56就57啦,份卷易到咁.......

不過最後佢改錯左我一題,由a變b.....不過都好,人生第一次拎8字頭!!!!

放學,samson番左學校打波,7號先可以番uk,咁得閒番黎玩啦.....

好忙呀好忙呀!!!!!!!!!!!!!!!!

真係好耐冇打過....但係真係忙到傻左~~~~~~~~~~~~~~~~~~

上星期六真係好乞人憎,人地明明考緊ut,仲要去girl guide囉!!!

不過今次只係要去馬鞍山,唔係好似之前咁,次次都要去佐敦鬼死咁遠,煩死.

2點幾搭小巴去,半個鐘就到,快!!!去到純陽就hea一陣,之後又搞一輪就入禮堂跳舞,

佢都痴線嫁!!間禮堂又唔係特別大,同我地學校一樣size,竟然要幾百人一齊跳囉,有冇病??

我地郁都郁唔到....不過我地都唔記得點跳.........

跳一陣又要抖一陣,d時間就咁就冇左,又冇得溫書,真係好想爆粗,

之後仲要係出面食風,件外套係禮堂,冇得著.....

食風食到7點半,終於可以閃人啦!!!

完左就即刻搭小巴飛返大埔,架小巴幾乎全程都響,好驚炒車~~~

返到屋企即刻食野睇荃家XXX,見到王祖藍扮瑤瑤,真係想噴麵~~似得咁交關嫁

睇完之後沖涼,沖完又眼訓,咁就訓左......

星期日就真係痴線啦,要一日溫bafs,我都覺得冇咩可能...

雖然之前都已經溫左個15題既range,但係個日睇番,一d都唔記得,

搞到係要由頭再背過,咁都背左成晚啦........

溫到我死下死下,個心真係好想睇鐵馬尋橋同獎門人,但明知自己再唔溫就死得,

所以睇左少少電視....入房塞耳塞溫書,因為佢地係廳真係好annoying,笑到痴左線,

溫到十二點,我發覺自己冇睇過書囉.....真係死得,

即刻開書抄d大標題出黎溫就算,之後再溫個15題range,3點半先收工訓覺,

6點再起身溫書,對眼完全開唔到,

返學上到課室,個個都傾計,完全溫唔到,咁就算啦,我都唔溫,

一派份卷,見到short question第一題,就已經想爆粗,我竟然唔記得左呢題...

一開始做short question先,第一題skip左先,第二題記得少少,之後d記憶就返晒黎,so good!!!

最後做番第一題,寫得幾句,希望4分拎到1分啦...

mc其實唔係太難,只係我冇溫書姐......有好多都1516咁,好難決擇......

番到屋企,即刻睇番鐵馬尋橋,爽呀!!!!阿雁可以同阿章一齊,阿棠又同醫生一齊,正!!!!!!!!!!!!!!happy ending~~

睇完就梗係即刻訓覺,訓醒夜晚連d無聊劇都睇,之後汁番張凌亂不堪既書桌,汁完就訓,

今朝先溫中文....................

綜合分班上真係好麻煩,個個講d野都唔同,一d又話寫小標題,一d又話寫主題句,

最後我選擇左主題句,

一開頭閱讀,第一篇文言文難到爆,佢仲要我地解釋先乞人憎,

寫完都唔知自己寫咩.....算啦...文言文拎幾分都好好嫁啦,

之後個兩篇好彩都ok,都叫識做既....

小息後再考綜合,大家都tip錯題,竟然出報告...

一開頭都唔記得點寫,諗左陣先記得,

開頭我以為慢慢作都作得切,我塗左兩行字,由得佢慢慢乾,我仲係到計數,

點知越作越多,搞到差d唔夠時間用,最後5分鐘拎紙寫埋個ending,手都就黎斷~

收卷之後勁多老師都有宣佈,我又要去新加坡個個,又要女童軍,又要prefect,都唔知去邊個老師到,

去左prefect先,都唔知佢講咩,就去新加坡個到,李sir話要交passport副本,

但係我星期四先去整so sad~~~冇計,d booking full到最早都要31號,好彩星期四唔洗返炸,唔係仲遲交.

聽完呢度即刻飛去女童軍到,派通告,真係麻煩...23號要返去on duty...

我忽略左prefect,不過open day個幾日都唔得閒on duty,咁就算啦,我都唔搵佢啦,

去晒三個就同徐美跑上7樓搵鄧sir,果然真係搵佢唔到,最後我同徐美當然選擇左去通識講座啦,咁難得既機會.

之後先可以慢慢行番屋企.......

終於考完啦,不過真係唔可以鬆懈啦,6月中又大考啦,

呢排又要女童軍,遲d又去廣州,基本上黎緊幾個星期六日既schedule都full晒,

上次考試考到咁pk...下次再咁真係唔洗再係a班立足,

god bless me,please!!!johnny hung bless me,please!!!jesus bless me,please!!!!!!!!!!!!!!!!!!!!!!!