今日又遲左起身啦...不過都總算趕得切...

一上到課室,係咁做地理,如果用中文做我都可能識...宜家英文都唔知點做....

ooo....原來倩兒搵左爆多呀!!!係佢阿哥本書搵,超正呀!!!!!!不過唔講真係唔知d英文點解

係咁抄係咁抄呀......好快Miss黃就黎左

又睇圖書啦......

之後地理,又同個兩個唔識既人一齊

跟住點知拆散晒d組喎...我同倩兒就搬左去super個組,

跟住總之就好混亂啦!!調到亂晒.......

跟住我地寫左個d野唔知去晒邊囉...我諗應該俾個傻姑拎走晒囉.......

之後英文堂,可以隨意調位喎...超正呀!!!

倩兒搬左過黎同我坐,不過我地會好乖嫁....

好靜咁聽書,不過真係唔知american idol係咩黎囉...冇睇過

好快就完左英文堂lu

小息都係背書同埋傑哥,文薏佢地傾計,

忽然地諗起我要改番個正常d既英文名,

我之前睇明珠台有個英文名既中文係叫樂儀,我就諗住用呢個啦...

點知佢都冇英文字幕,所以我都唔知英文點串,跟住係到亂試

算啦...好煩呀!!!遲d再諗

之後就到大家都好期待既數學堂,因為大家要調位啦!!!

知道結果後好唔開心囉......

點解會咁嫁!!!!!!!!!!!!!個天點解要咁對我呀..........

竟然要同嚴唱歌一齊坐!!!前面仲要係利奧,後面又係李安X,

大佬,洗唔洗坐我附近個d全部都唔講野呀!!!!!!!!!!!

右面又要冇人,我諗得金金同李海兒係傾到兩句囉....

救命呀!!!!!!

之後就繼續上堂.......

妖!!!!!!!我真係火滾呀!!!!個八婆竟然嗌吳X璋叫"璋璋,璋璋"

你個腦係咪有問題呀!!!去check下啦...

我地附近個d個個都聽到毛骨悚然呀!!!!!

如果我係吳淳X,我一早已經嘔左啦

之後阿強哥又俾功課...你係咪又係有病呀?!!!

你尋日俾左8題數我地,我地都未做,宜家又要俾多15題數我地,

你覺得我地好得閒呀!全部都係畫圖個d黎嫁

搞到宜家係唔洗用堂課簿,咩都做係本功課簿囉....仲要每次俾10幾題

我諗教完第7課之後,兩本功課簿已經用完

宜家諗番起,佢派家長日通告,之後有人同佢講話佢冇寫時間俾我地,

佢係完全唔知發生咩事咁囉...又話"我要跟進下呢個問題"喎

大佬,你唔俾時間我地,係咪想我地全部8點返黎見你呀!!!

真係火滾...

之後係咁做數,天才既李海兒竟然唔識第一題喎...

其實我都係岩岩做好,唔係好明白囉......

做左成堂先做得一題.......

個嚴唱歌出晒名豬扒都溝得落,

佢數學堂都有撩我講野呀...不過你覺得我會同你講野咩,

你去睇下自己咩樣啦...總括黎講,我調完位之後講左4隻字

好慘呀...未試過講咁少野嫁....

lunch,落雨

返到黎,唔記得做咩

中文堂,派unseen,有86分喎...蜆殼個蜆字竟然岩左.......

之後又默書,d標點冇溫到,亂寫......

跟住唔記得啦....

放學去VA室整番個印章.....同倩兒,徐美,文薏&傑哥一齊坐,好多野傾...

陶陶細佬又係VA室畫花,真係有其姊必有其弟,兩個都咁勁既...

我地整到5點幾先走,見到邦仔同奶豐個d練手球,

佢地件波衫真係好核突,好似d中國隊咁...紅色衫再加中文學校名...極品呀!!!!!!!

今日打咁多啦............舒服晒.......