今日唔講咁多啦......

放學返choir,

入到music room放低個書包,就上7樓,

上到去,潘sir同緊幾個form.2講野,

有個f.2抄功課,跟住潘sir係到跟進呢個問題,

話呢件都幾嚴重,佢要嚴肅處理喎...

之後佢先發現我既存在囉,

俾完疊簿佢,再同佢講話要調位,

佢係咁問我原因係咩,

我咪話我想坐中間個幾行,可以專心d,

跟住佢又問我坐緊個到唔專心咩,

我又答話我睇唔到黑板囉,

之後佢又話我咁樣都睇唔到,都幾嚴重喎...

我又答話我"行"背囉....

之後佢咪話跟進下囉..............

之後落番去"嗌"歌,

我今次同楊枝真係乖到爆炸呀!!!

因為佢今次要坐係我前面,所以都冇咩機會玩,

唉...完全冇心機唱囉......

係咁叫人笑住黎唱,我根本笑唔出囉......

好呆滯咁唱,

唱到差唔多6點,話要落禮堂唱,

個個勁唔"ger"囉!!!

我地係有心冇力唱呀...唱到失晒聲呀!!!

落到去,見到邦仔著緊件黃色6號衫,好搞笑

之後入到禮堂,又唱,

唱到6點班手球已經走得,

我淨係見到文x恆成個國家隊咁走人,實在太搶眼啦!!!

好似見唔到邦仔喎...

有條友揹住個書包條友應該係佢黎既...

之後又係咁唱啦,

你係咪痴線呀!!!

唱到6點9喎......

我唱到最後個次已經唱唔到啦...

又要迫我出絕招-------------------------->扮口型!!!

順利過關...

之後見到晴晴,就一齊走,

落緊雨,佢地住咁遠,所以就借左把遮俾佢....

返到屋企,

竟然有成"筒"肯德基!!!

星期五仲要比賽嫁...但我真係唔可以忍口呀!!!

係咁食係咁食呀!!!!!!!

~~~~~~~~~~~~~~~~~~~~~~~~~~~~~~~~~~~~

冇事既冇事既.....質素質素質素!!!!