尋晚實在太忙啦....(掛住訓覺),搞到打唔到blog,

宜家挨眼訓都打埋落去呀!!!堅持!!

尋晚一路同西瓜sms,一路做中文問答,一路睇陀槍師姐,一點幾先訓...

今日要7點起身,刷完牙之後就即刻煲薯仔同雞蛋,

我又唔知d雞蛋熟唔熟喎,我咪煮一陣又拎出黎囉...

但係又驚隻蛋唔熟喎...又擺番落去,我諗隻蛋都煮左起碼半個鐘,變左老蛋....

d薯仔真係強啦...我煮到8點個陣d薯仔仲係硬嫁,煮到8點05分個陣"夾硬"插支筷子落去扮熟囉...

之後拿拿臨汁野走人,8點09分就返到學校啦

之後早會,唔講,

中文堂,唉~一想訓個陣,又俾張sir見到,俾佢叫左起身答問題,好彩答到姐...

oral堂,講小組討論,分左組,同徐美,尹嘉X同皮蛋黃一組,

嘩...清哥,超人,傑哥同吳淳X一組,已經被喻為黃金組合啦,勁!!!

miss tong見有時間剩,無啦啦咁叫左我,蘇國X,Peggy&皮蛋黃出去喎...

嘩...我地都冇準備過,拎住張冇寫過既紙出去講,

好彩我有既係急才,難唔到我既....

之後世史,教書......

小息,唔記得做咩,搭9就已經去左家政室準備啦...

當我地仲整緊薯仔皮個陣,無啦啦開咪宣佈叫3A落操場集隊,

我諗肯定係因為入到課室個個都勁嘈啦,

聽到個陣個個o晒囉...我地全部著住圍裙,唔通著住圍裙落去咩,

我地仲要整緊薯仔tim....之後蘇眉幫我地打電話落去,叫我地聽日再訓企......

d男仔就照舊,要落去...

今日家政整魚批同法國洋蔥湯,

我負責整法國洋蔥湯,倩兒整魚批,因為我唔鍾意吞拿魚同沙律醬

之後唔想講啦...今日整得唔錯啦...

lunch,返屋企分番個魚批,聞到都想嘔...

返到去,唔知自己做咩,我連生物張紙都俾埋人,默書都冇溫過....

中史,悶悶悶...

電腦堂,叫利sir教我地超連結,其實佢自己都唔係好識......

我地叫佢上youtube睇"現在的孔教",

佢一禁就禁左去八婆solo跳舞個part喎...真係天意囉...

我控制唔到自己呀!!!係咁嗌.....之後睇左少少就冇得睇.......

生物堂,我地極力爭取之下終於唔洗默書啦!!!正!!!

之後又教書囉...悶悶悶悶呀!!!

放學拿拿臨返屋企補習lu...