講番尋晚先,

尋晚阿爸阿媽就要去飲喜酒,晚飯要自己解決,

我8點到就去麥當當買野食啦,

點知一入到去,就見到蘇國X同王X禮兩條友都食緊新地筒......

佢地係個度溫書,成張枱都係數學同世史書,超級混亂......

跟住同佢地傾左兩句咁囉,佢地仲問我一唔一齊溫,真係睬佢地都傻.

尋晚成2點半先訓,但係實際上好似冇溫過書咁,

成晚淨係要記住睇陀槍師姐,因為尋晚講到色魔要強姦三元(我諗你地冇睇都唔明嫁啦)

真係慘到呀..........睇到都想喊,俾人姦到成身都傷晒呀!!!

講番今日啦,

一番到去,唔知做咩,之後入hall溫書,

係咁溫數學,勁多野唔明呀...溫左咁耐都唔識proved,都知自己死得嫁啦,

考啦,係咁計係咁計,佢話得番5分鐘之後我先開始做最後個版,

嘩!!!大佬....成9分嫁......

我係超級九唔搭八咁寫上去,d理由又係求其寫上去,

博下或者可能都有一兩分收穫呢...........

小息,忙到傻呀!!!係咁抄英文test,世史張紙拎係手都冇望過呀!!

都知自己咩事嫁啦......

唉~~~又係做唔切,冷戰的影響個到淨係寫左句"冷戰的影響非常深遠",寫完呢句就話要收卷,

無奈....

d時序又難喎....合格都唔會高分啦

考完試後張sir派番中史作業同小測,得12.5分,我會背熟晒你地嫁啦!!!!

上一樓,抄埋另一份test就走佬lu......

返到屋企,計番數學mc題,

救命呀!!!起碼錯左3題.....算啦,已經係冇得改變嫁啦.........

聽天由命啦...........