講番尋日係金鐘俾人點左成日既旅程先,

本來尋曰約左12點係火車站等,

到左11點幾我仲係屋企個陣陳文薏打黎喎,

傾傾下佢同我講話係咪去火車站五號月台等,我都唔知發生咩事咁,

點知打俾個肥佬傑,佢話係.......死野呀!!!轉地方又唔講,你知唔知害左幾多無辜少女呀!!!!

好彩我收風勁姐......

到左12點到,平時好準時既倩兒仲未到喎,問番個肥佬有冇話俾倩兒知轉地方,佢又話有,

好彩我打俾倩兒,原來佢淨係講左俾陳文薏知就話通知晒全部人囉.....

之後就搭車去金鐘,

搭車其間傾左好多野呀,傾緊揀咩科咁囉.........

之後傑哥話前日奶豐佢地去香港公園個陣見到Laughing哥,

搞到我鬼死咁期待..............

去到太古廣場,係到周圍行.......

行到出左廣場,明明見到個度寫住香港公園,點知係流料..........

跟住我地又圍繞廣場一周,行行下又行番去原地,

之後我地已經離開左太古廣場行,但係我地行黎行去都係個幾忽地方,

真係行到好想放棄囉.....

行到去唔知邊個花園到,終於要問人,點知又要行番去太古廣場,

行到邊問到邊,原來係6樓,真係估唔到成個空中花園咁囉......

去到,即刻去左溫室先,

一入到去,熱到死!!!!!好似焗桑拿咁....40度呀!!!

不過d仙人掌好得意呀........

大家都頂唔順就去左熱帶個度先,

o.....好多樹,係咁做係咁做,

我地係個度做左個幾兩個鐘,做做下仲見到西瓜同晴晴個兩組,

我地係個度係全程影相,4個人帶左4部相機,加埋電話總共有8部,個個都有影....

行完熱帶雨林又行番去荒漠個度.............

之後就去左睇雀仔..........

入到去,真係好多雀仔.............

不過真係好驚有雀屎呀......衰在係屋企搵極都搵唔到頂帽........

求其影完就走人........

行行下,我地仲未影全組相.....

求其搵個地方影左就算....

之後去番金鐘,個陣已經5點鐘嫁啦.....我地連lunch都未食......

去左食KFC,食完就拿拿臨搭車走人,

返到屋企已經6點半,搞到冇得睇酒是故鄉醇大結局tim.......

仲有呀....又話有laughing哥,都睇唔到佢既.....好失望呀