尋晚三點幾先訓,

然後校左6個鬧鐘,最後6點先起到身.......

訓得三個鐘,仲要尋日晏晝都冇訓過,我都覺得自己好勁,

雖然真係好唔ger無啦啦改時間表星期六要返去考試,仲要考中文同英文!!!

但係冇計啦....唔通唔返咩....

隔離班又話中文卷唔會跟課文問答咁考,又話今次份卷好難,

點知份卷都唔係好難姐....

閱讀理解好似照抄咁,不過文言文個篇做錯左兩題,冇左兩分....

之後d語文運用,問黎問去都係問用咩論證手法,我就淨係記得舉例同對比.....

我諗都唔係好難姐....

之後d課文問答,又話唔跟課文問答d問題問,所以我都冇睇過課文問答,

點知有幾題好似一模一樣........

全部都係自己作......

我唔識有題問"瓊樓玉宇" "高處不勝寒"同埋"人間"係點解......

不過我諗份卷係張X明出囉.....

連柴九都出埋...除左佢我諗唔到仲有邊個....

之後考英文,唔知點解我覺得郭sir套衫唔同左咁,

我覺得份卷係十級難囉.........

完全係冇從入手,做到o晒嘴.....

全部亂做......

個強者奶豐做到竟然有時間去廁所,勁屈機.....

收卷個陣個個都面容扭曲...

我希望份卷汁到三十分啦....

完左之後李X兒笑笑口咁去問奶豐識唔識,

兩位強者都話mc好難......

宜家老邦俾奶豐叫做"老虎仔Tony"(姐係個個粟米片)

講真,我覺得個名幾襯佢喎......

之後返屋企,lunch都冇食就訓著左,

一訓就訓到6點幾,之後出去食飯.....

食完去行街,行行下見到李X臨同佢阿哥阿媽,

我阿爸阿媽同佢阿媽係條樓梯到傾計......

第一次見到佢阿哥,原來咁岩係尋晚先搭飛機返香港....真係有緣...

傾完之後繼續行,點知行左幾步又見到陶陶同阿鵬...不過佢地見唔到我,

之後行apart,睇中左個書包,暑假先去買.....

仲有幾日就挨完個考試啦...點都要頂住呀!!!