放監啦!!!!!!

雖然仲有幾日未考完,但係對我黎講已經考晒...

仲有一科廢野普通話,個日番學溫都溫得切啦....

今日溫習個陣溫電腦,個個都要個三題電腦tips,

點知個個抄d答案都好似唔同咁,

陶陶個份勁搶手,我等到9點幾先輪到我,抄完之後都未睇過....

之後我地無啦啦傾到暑假有咩節目,係到傾有咩戲睇,

奶豐宜家迷上個變型金剛女主角美瑾....成日話佢好靚...

暑假好似好多戲睇咁,哈利波特必睇!!!!之後我又想睇冰河世紀3.....勁多戲呀!!!!!

之後又講到暑假番暑期工,其實我想番工儲下經驗,但係都ok驚....

大家都話死都唔返KFC,人工低福利差!!!

之後傾傾下就考英增,

份卷唔係好難姐,但係comp.俾佢fake左,

我竟然唔知可以抄.......算啦算啦,宜家我目標只求合格...

小息,都係冇咩點溫過書,係到打天才波...我都覺得自己好勁呀!!!!

有冇搞錯呀!!!mc咁難既.....9成都係撞....

Logo完全放棄,10分姐,豪俾佢啦......

全份卷都係求其做........

考完電腦,勁開心,好似放暑假咁,

係咁傾計.......

木村拓X個GATSBY廣告最近又番生啦!!!!奶豐又係到扮佢整頭髮......

之後派數學卷三,竟然得57/71......

點解坐我附近個d都咁勁嫁???????

奶豐,邦仔59,朱哥66,蔡蔡63,陶陶62,強者真係強者.....

好唔抵呀!!!!!點解我會寫左個度數出黎,又要冇左個$,

扣左5分以上......

算算算.....ok嫁啦.....

但係真係唔明點解佢地mc可以咁勁,個個拎滿分,我懷疑佢地神仙拓世.....

之後我地又傾計,話聽日TSA亂咁做,踩低學校成績....

作文兩篇揀一篇做,英文求其做,

其實我地都唔想嫁,鬼叫學校無啦啦改時間表咩.......

係學校自己攞黎衰.....