好啦,又等我發洩下先,

琴日,本來以為會有pe堂,仲諗住跑番10個大圈嗌下,點知無啦啦調左時間,

冇左pe堂,變左要對勁多卷........完全冇心理準備囉~~~

開頭派LS,邢X婷有18分,我同皮蛋黃係第二高,有15.5分,比我想像中高左好多~~~~~

其實個個都好高,俾到勁鬆,大家都預左肯定會開會重改嫁啦......

番班房,d評分標準簡直係差天共地,佢地最高得10分,最低仲要得1分,

睇到我o晒.....當然啦,佢地梗會好唔ger(比我都會),

之後econ,點解個個都咁勁嫁?!!!

慧ting做左神手!!真係勁到冇野好講......

本來串爆既傑哥,哈哈.簡直不堪一擊,俾人串番轉頭....

我.....冇野好講,

小息,去左搵miss歐陽,佢勁好火...

之後聽講座,第一次聽晒成首個首"不不不",

後尾問答,終於解答到我地女仔既問題啦,

個奶豐低能仔,係到問用咩裝尿,我地答完佢,佢又話"夠唔夠裝嫁??"

之後俾我同文薏串佢"俾個XXL你啦"

之後唔知邊條低能仔問鴉片驗唔驗到.....笑死全場!!

lunch番黎英文堂,其實我覺得ok嫁,但係係我個班完全唔夠人鬥,

最後地理,竟然係5樓派卷.....但係比我想像中高左好多喎,

24/60,我真係覺得好勁,一個完全冇溫書既人,竟然可以合格,仲要同某d有溫書既人同lv.,

所以真係好開心!!!最後仲可以加多一分!!正爆!!!

之後郭sir被人包圍改卷,我地即刻睇下隔離班d物理點,

咁岩張X光又將d分show晒出黎,我地睇到晒......分數相差好大喎,佢地得幾個合格,慘!!

放學,去搵miss fung練英詩,邦仔勁唔開心,因為佢真係好低.....但係miss fung仲讚佢唔記得d咩,

之後佢地走,我操,講到條"利"打晒"kick"......真係要多練啦..........

到今日,一開頭英文,佢又俾勁多功課.....真係ding你!!

之後數學,個曾sir係到吊我地癮,成堂都係串我地,話今次拎滿分既係CE黎講都只係grade d,完全冇野好講.......

我真係好唔滿意呀!!!!點解會低分到咁嫁,岩岩好合格~~~~~~~~~~~~~~~~~~~~~

我有7分死左去加減數到.............

我真係通頂計數嫁,點解個天唔可憐下我呀????????

我原本真係諗住有4字頭,宜家.....妄想!!

之後去左搵miss歐陽,唔記得傾咩,

咁岩見到阿賢搵miss wong請假,佢話今日唔派卷,

地理X3,冇聽到書,係到傾計同係咁打傑哥發洩,我個陣又笑又火,我都唔知自己做咩.......

lunch,好心急上網check email,點知仲未收到,

番到學,諗住搵miss fung話放學要補課唔得閒,點知佢話"咁宜家你背番頭兩段先啦"

我完全窒晒.........之後同miss chin傾左兩句,再同miss歐陽去拎衫,very busy!!!

之後班主任課,唔多講,

曾sir話"我本來係個電視迷,但係宜家又有兩隻dee"

佢用兩隻dee黎形容佢對仔女,好搞笑......佢個仔得4歲,姐係miss chow生完唔係好耐姐,

form1,2都唔覺佢肥...........

之後講番數學卷,冇眼睇.........

放學,個個等miss wong,點知佢上到黎,眼濕濕咁話"各位同學,你地咁唔尊重中文堂,我決定以後唔洗再補課"

個陣全班o晒,佢又繼續講"呢個去唱歌,嗰個去踢波,你地根本就唔尊重補課"

但係我想講阿賢真係去比賽,八婆真係要去中大囉....咁都話佢地唔尊重......完全打橫黎講,

之後講完即走,成班鬆晒,終於唔洗再補課!!!

之後陪倩兒落1樓搵miss歐陽,咁岩見到miss fung,我走都走唔切,即刻望去第二度,

好彩佢都冇黎搵我,我下星期會努力嫁啦!!!

之後番屋企訓覺,正!!!