父親節快樂呀!!!!

今日放假,當然訓到晏一晏先起身啦=,=。不過訓到8點幾,比老豆叫左出去飲茶,本來想推左佢。但係今日父親節咁就聽下佢話啦。飲茶果陣坐我地後面果個呀叔講電話勁大聲,我終於明白"巴士阿叔"點解咁黑人憎。講電話就講電話啦,洗咪咁大聲,酒樓嘈咪行去一二邊講囉,我望住佢d口水飛哂落佢杯茶到,真係難頂呀!!!!

飲完茶就返左屋企啦,跟住呀Rain打來就同佢傾左一陣電話。下午睇左套"魔介" ,果時就已經有呢d特技效果,拍攝手法又咁好...真係要比個Good佢@@。睇完之後覺得累就去左訓一陣(話哂套野都幾個鍾=,=)

訓醒之後就出左西貢同老豆食飯。去左間岩岩開張的酒樓食,味道原來都唔錯嫁。今晚d飯餸都唔錯,我一個人食左兩隻乳鴒(,認真和味=3=)。食左三百幾蚊,我出左$100,其他果d呀媽出,老豆知道我同呀媽請佢食飯,笑得好開心呀。

食完就返左屋企,打Blog啦@@