今日返學校睇成積啦,期待已久=3=。 呢排都訓到好晏起身,無啦啦要我今日6點起身,真係有d唔慣=口="。返到學校7點30到,返果陣竟然見唔到有人-,- ，我仲以為比人騙左要返tim,好彩行到去小食部果陣有人坐係到(嚇死我=口=")

早完會咪上返課室囉,跟住派卷。見返咁多同學都開心嫁"=] 。
如果10分來計,對今次大考的成積都有6分滿意嫁。等我報告下成積先....
*(白色係合格,紅色係唔合格)

中文(閱讀)                 37.5/70         (差唔多啦@@)   
        (作文)                   41/100        (有d失望,諗住有5字頭T^T)
        (聆聽)                   29/60          (正常..)
        (綜合)                   18/50          (估唔到唔合格,差2分=3=)

英文  (reading)             10/58           (呢個真係估唔到,諗住合格嫁!!!!!,英文超失望")
          (writing)               35/100         (一樣,失望..)
          (listening)            35/75           (合格又點,加埋哂,總分一樣唔合格)

數學(LQ)                       65/99           (呢個又真係估唔到,係大考拎到[呢個分,真係超開心!!!)
        (MC)                      80/100         (呢個又係超開心呀,未試過大考拎到呢個分數...應該係全班第一啦掛=口=?)

Bio  (LQ)                       26/65            (意料之內,合格)
        (MC)                         7/15            (一樣)
     (Total)                       33/80            (保到合格@@v)

Chem                             36/85           (進步左好多,由學期初11/100 進步到呢家合格...係我最開心的事來)

PHY (LQ)                        22/45          (唔係話好分,不過合格已經好開心"=])
         (MC)                        12/40          (呢個差左DD,要努力!!)
      (Total)                        34/85          (合格!!)

CIT   (LQ)                        23/70        (沒有期望過,但也沒有令我失望,因為程序果PART識做哂...)
         (MC)                        10/25        (正常)
      (Total)                        33/95        (雖然唔合格,但係離合格只係差少少)

考13份卷,只係唔合格4分卷。呢個成積都好開心嫁啦,今年終於有一張好好睇睇的成積表啦"=]

 呢幾日屋企有d事,所以都唔可以日日打blog,請見諒。

講返中文oral果日的野先。
因為我同Cary一組,所以就約埋一齊返學校啦。約左11點等,點知大家都早到左=,=，返到學校傾左一陣計就到我地考啦....。 考試分兩部份,第一部份要我地每人讀一篇短文,係準備果陣勁有信心...  點知到真係考果陣竟然腳震,有d驚呀,驚到個"塔" 讀左成 "答" ,不過都滿意的.."=]。到第二部份係小組討論,個topic係"有一班日本學生來香港進行文化交流,我地應該帶佢地去邊到" 。呢一部份超滿意,講左18分鍾都仲有大把野講,可惜未講哂就夠鍾T^T。

考完就同D同學去左Cary屋企玩,一入到佢屋企見到周國賢d碟同海報,勁心動呀!!! 叫Cary借一隻CD比我返屋企聽都唔到=3="(衰人來!!)。參觀完就落左去打波,雖然只係拎左一個籃球,但係玩左勁多野。係中午果陣打波,熱到ｘｘ咁,於是就上返屋企到啦。開頭諗住玩大富翁,點知Cary話係佢呀妹,我地唔玩得。跟住我就提議玩七級豬,點知佢地個個都唔識玩,就唯有我教佢地啦。都唔知係唔係我問題-,- , 點解我係教人玩果個,但係點解我會係做輸果個=,=。(不公平囉=口=") 

玩到5點幾就返屋企啦.....。


--------------------------------------------------------

今日都冇咩做呀,咪又係平時咁。不過聽日去學木舟(開心呢@@)。 今晚有排汁野.....

唔好意思呀,呢幾日都冇打Blog。心情唔係幾好,請大家見諒...
講返6月26日的野先。
早上起身好似平時咁啦,都係做果d野。諗住下午果陣約埋成班fd去獅子山燒野食嫁,點知無啦啦落勁大雨,都唔知個天係咪唔鍾意我-,- ,成日都係我去玩果陣先落雨T^T。 咁落雨就當然唔去燒野食啦,轉左去Kowloon Bay 打邊爐。約左7點係地鐵站等,但係呀Rain想早d出去行下,咁就同佢6點到出左去行陣。(呀Rain剪左頭髮呀,雖然唔見慣,但係都幾靚嫁,我鍾意呀=3=)

行到夠鍾就去左地鐵站搵佢地。今晚開心呢,夾埋我地有11人,好耐都冇咁人齊過。咁等左一陣人就去左打邊爐啦,一去到當然叫野食啦,叫左好多野食(當然最後係冇剩啦XD)。 呀鉅,阿旦,同埋Calvin 係到"猜妹"係咁飲油,終於名旦頂唔順去嘔左-,-" (話過佢地嫁啦...)。呵呵, Deo同佢女朋友好因愛呢=3=。 跟住jimmy又玩魔術比我睇,真係睇唔出有破綻-,-,反而Deo果個比我睇到有破綻@@。今晚都影左唔少相,好多搞笑的相,遲d放上FB@@

今晚打邊爐每個$94,都算合理的... 跟住見過天唔係好大雨就上左獅子山玩呢。一入門口,個保安話今晚得我地來,點知一入到去見到成班人係到燒野食(騙我的-,-")。搵到個地方坐係到,玩七級豬,d牌係地下果到傳,勁難拎起囉=,=。玩到兩級,呀Rain同我都要返屋企啦,咁就決定一局定勝負@@。點知..................竟然係我輸左囉-.-!!!!,都唔知發生咩事Ｔ＾Ｔ。懲罰就唔講啦=3=,總之就係好慘啦又污糟wo。
但有一點係好開心,雖然個身污糟,但係呀Rain都肯錫我,甜在心呢=3=

送完呀Rain返屋企,跟住坐車返屋企。係行返屋企果陣個天行哂雷又落哂雨咁又黑.....。返到屋企12點幾,沖涼訓覺。

諗住今晚係11點幾到返到屋企,點知成2點先返到屋企。

今日約左5點係西貢碼頭等,等到我六點!!D人真係幾準時下wo!!!!上到船話哂我係去人地到玩,點都要做少少野的,咁咪幫下佢洗下船身咁,唔好以為好簡單,實質係要你拎條水喉係海面果到噴個船身,。洗完船,再沖埋個凍水涼....Good呀!! 跟住當然就係搵個靚位吹下海風啦,我就選舉左船頂,D風吹埋來,真係涼過d冷氣。船上面有三十幾人,但係得兩個識。一個係我呀媽,一個係搞活動果個Aunt,好在醒左拎左MP3先唔洗咁悶。今日果到有男有女,有幾個係中4的但係智商似小學。邊有人會搖完支可樂,立即開嫁,仲要係對住自己,最緊要就係噴到我ma,望住佢地真係火都來埋。

坐左一個鍾船到啦,去到一個魚排燒野食。最火的事來啦.... 我燒左勁多野食,諗住放一係一邊果到一次過食啦。正當我左手拎住隻碟,右手拎住對快子。點知無啦啦有個男仔撞到我隻左手,我成碟d野掉哂落垃圾桶果到!!!嘩...小佢,我燒左成個鍾的野比佢一野ko哂。 我跟住望住佢,佢連"對唔住"都唔講聲,跟住我學返佢,搖完支可樂對住佢開,搞到佢成身都係。大快人心!!!

燒到咁上下,就開始今日最重要的活動啦"釣墨魚"。 咁大個仔第一次去釣墨魚,真係咩都唔係幾識。不過呢樣野又寅係幾易上手,唔洗魚利剩係有耐性就夠嫁啦。係開頭釣果十分鍾,連續有4條收獲,但係係之後果60分鍾,係咩都冇囉,垃圾都冇件。真係汁輸行頭,慘過敗家T^T。咁釣到11點幾到,有D人開始話要走啦,咁就送左佢地去碼頭果到,剩低果D人再係附近釣啦。等左我成晚終於出現我的第5條,但同時都出現左我成晚最慘的時候,當我拎條墨魚上水果陣,佢突然間噴墨。噴左落我副眼鏡到囉,咩都睇唔到,跟住我仲要甩手比條墨魚走左!!!  比人食完鬆囉!!!

釣到兩點幾就送返我地返屋企啦。返到屋企第一時間沖涼,因為D魚腥味成身都係,惡頂。由於今晚係冇食過野,所以係我打緊Blog果陣,我係食緊合味道=3=

完....