今日要返學校考口試,所以今日八點幾就起身。起左身刷埋牙食埋早餐,諗住早門口果陣,見過太陽咁鬼燦爛咪冇拎傘。點知,行行下又落大雨(點解呢d事成日發生係我身上嫁T^T)。返到學校等左一陣就到我考啦,考完之後,覺得超唔滿意囉,都唔知道講咩。唉,果然oral係我克星...

考完之後就去地鐵搵呀Rain啦,點知搵到果陣,比勁多識的人望到。最衰就係佢地唔講野,剩係一路行一路對住我笑=___=,好恐怖呀=口="。送完佢返屋企就去左太子剪頭髮啦,剪果陣我話想偷薄,點知佢拎左個電摌出來,嚇死我=口="(邊有人用咁的方法偷薄-,-)  。原來佢聽錯我講想摌青-,- ,好彩問下佢姐,如果唔係就變左個和尚嫁啦T^T。

剪完就返屋企啦,返到屋企同Rain傾電話,點知傾傾下佢提議今晚去食韓燒。咁咪答應佢囉(咁話掛住我,我先去嫁渣=3=)。咁約左佢五點鍾等,之後就去左旺角行一陣,行行下又去左冒險樂園玩一陣(玩上腦=,=)。玩完之後就去左旺角果間漢陽苑食野啦,D食物同品道都唔錯嫁。以兩個人食來講,覺得食返哂本返來@@",係食果個幾鍾我地係冇停過個口("大食情侶")=口="。食左二百幾蚊...

食完之後再去左食許留山,諗住食完之後行下街,但係無啦啦又落大雨,咁就返左屋企啦。

今日照以往一樣,訓到晏一晏先起身。諗住今日去游水嫁,但係西貢勁大雨又行埋雷,所以就取消左(可惜呢)。起身刷埋牙之後,當然係食早餐啦。由於今日星期一,屋企人返哂工,咁又要靠自己整啦。整左叮叮燒賣,煮左個出前一丁加隻蛋同埋飲左杯熱咖啡。食完之後覺得得超滿足呢=3=。

食完野之後,諗住出去海邊行過圈,吸下新鮮空氣。點知行行下見到隻焩食緊隻老鼠!!!!  嘩....頂佢,果陣真係想嘔返岩岩食果D早餐出來。睇到之後冇咩心情,轉個頭行返屋企。返到屋企又無所事事.咁就做下gym啦,做做下睇到電視播緊"係咪小兒科",咁就停低睇一陣啦。有一條小五常識科,係問"水火箭所用的力,係咩力",我果陣都諗唔到。但係睇左果答案之後呆左,原來係作用力同反作用力。嘩...聽講呢樣野係中4課程-力學入面先教。我唔信囉-,-小學就教呢d...咁中學係咪教大學d野@@

午餐費事搞咁多野,剩係整左杯合味道食。下午無聊,玩左陣CS,玩到三點機就去訓一陣啦。點知訓訓下背脊出哂汗,我就唔想開冷氣,咁我咪訓左係屋企個地下囉(地板又涼又乾淨*v*)。點知,我呀媽返到來,見到我訓左係地下,以為我有咩事=___=,即刻拍醒左我問我咩事。今日嚇親我呀媽=,=

訓醒都已經係7點幾點,食完飯就打Blog啦=3=

父親節快樂呀!!!!

今日放假,當然訓到晏一晏先起身啦=,=。不過訓到8點幾,比老豆叫左出去飲茶,本來想推左佢。但係今日父親節咁就聽下佢話啦。飲茶果陣坐我地後面果個呀叔講電話勁大聲,我終於明白"巴士阿叔"點解咁黑人憎。講電話就講電話啦,洗咪咁大聲,酒樓嘈咪行去一二邊講囉,我望住佢d口水飛哂落佢杯茶到,真係難頂呀!!!!

飲完茶就返左屋企啦,跟住呀Rain打來就同佢傾左一陣電話。下午睇左套"魔介" ,果時就已經有呢d特技效果,拍攝手法又咁好...真係要比個Good佢@@。睇完之後覺得累就去左訓一陣(話哂套野都幾個鍾=,=)

訓醒之後就出左西貢同老豆食飯。去左間岩岩開張的酒樓食,味道原來都唔錯嫁。今晚d飯餸都唔錯,我一個人食左兩隻乳鴒(,認真和味=3=)。食左三百幾蚊,我出左$100,其他果d呀媽出,老豆知道我同呀媽請佢食飯,笑得好開心呀。

食完就返左屋企,打Blog啦@@

(唔好意思,咁遲先打blog,今日實在太累,多多見諒)

 今日真係慘,星期六都要晨咁早起身返學校考試T^T,諗下成條街得我一個學生,就知我幾慘啦T^T。不過點都好啦終於考完試!!!   
今日考Chem同中文綜合卷。中文果份都唔知點呀,係就係做夠字數,但係唔知點解覺得d內容好似有d離題咁...反而今次覺得Chem比較滿意,成年Chem都係緊緊合格,相信今次唔會啦掛。我相信有付出,會有回報的!!!!

雖然唔係科科都咁努力溫,但係都覺得對得住自己嫁啦,起碼知道自己係盡哂力溫嫁啦。呢家只係想快d考埋口試,快d拎埋張成積表,放暑假。

 今日考完試約左呀Rain去行街街。約左呀Rain係彩虹等,點知坐地鐵去九龍灣果陣見到個Miss(有冇咁巧合呀-,-)。去左九龍灣食野同埋行左陣。食野果陣,呀Rain比左佢學校份數學MC我睇下,原來佢間學校d題目同我地學校不分上下=口=",我有D連題目都睇唔明(果然係band 1 學校-,-)。

 跟住女友就提議去鑽石山玩冒險樂園,都好耐冇玩過啦。今日再玩返,諗返起細個同呀爸去玩果陣,果時我仲讀緊五年班(懷念呢)。玩得好開心呀!!不過玩果陣無啦啦有個
熟悉的身型出面係我面前,佢就係肥Lee啦(生物Miss) ,佢身邊身邊有兩個女仔,應該係佢個女來,第一次見佢射籃球。好彩佢唔認得我姐-,-。今日真係慘,連續撞到兩個Miss,唔通真係有咁多巧合@@

玩完之後去左搵Deo,比佢見下呀Rain,跟住就返屋企啦。返屋企果陣無啦啦落大雨,諗住今日醒啦拎左傘,點知原來最蠢果個係我,我放左把傘係呀Rain個袋到唔記得拎T^T  
蠢蠢蠢呀!!!

返到屋企就訓左啦!!!真係好累,星期日一定要訓夠先得...希望星期一停課啦,如果唔停我諗好多人都會X個校長=,=

近排的天氣好唔穩定呀,琴晚勁大雨但係到早上又風和日麗,真係唔知個估佢唔到啦。

今日考數學MC,電腦同SBA。唉,都唔明白自己今日搞咩,琴晚溫好哂書,但今日做數學卷果陣做到一條變分題目,我係到呆左成分鍾先記得返點做,對今日的狀態勁唔滿意囉。電腦又係!!溫好哂d程式,但做果陣竟然唔記得左囉....電腦都冇咩期望嫁啦,只求合格就謝天謝地嫁啦T^T
不過今日份數學覺得D題目次序好次搞錯左咁,邊有可能後面果part易過甲部嫁!!! 搞到我哂左唔少時間做甲部....

今日考完SBA坐車返屋企果陣,坐我旁果個女仔訓覺訓左落我到,咁我又唔好意思咁拍醒左佢啦,跟住之後又訓左落來-,- 連續幾次都係咁!!!
唉...拍醒佢又驚唔好意思,但係唔拍醒佢又好似唔知點咁,好唔想想遇到呢D情況=,=  下次都係坐單邊算啦-O-

聽日又要考試啦,不過聽日係最後一日,各位同學們要努力呀!!!