今日要返8:00am，今朝7:50am先起身
 ，就黎遲到，之後咪好快刷牙&洗面&換校服，之後咪跑返學校囉
 !!!岩岩入左學校，就打鐘，嘩……好彩姐
 ，上到課室一陣，李冠宏老師入黎話攞左我地班啲成績表
 ，叫我地話俾Miss區知，過黎攞返，隔左一陣Miss區就上黎，話搵唔到我地班啲成績表，咁我地咪話俾Miss區知，之後佢就過返去攞返，之後就聽梁sir宣佈野，聽完就處理班務，Miss區就派左好多野，派完就派成績表，唉……比上次成績差左呀
 ，上次平均分係58.63分，今次係52.50分
 ，不過開心啲係……升到中四
 ，之後就派選科結果啲紙條，好野……我入到C班
，仲有譚叔同貓so同我一班
，不過唔多滿意啲係……入唔到中史科
，入左第二志願啲……圖像傳意
 ，點解……點解神要咁對我
，我諗……一係就係我選科果時填錯，果時填得好急，一係就係佢地D人睇錯我選邊科，唉……算啦，依家嘆氣都無用啦
，姐係我要讀……地理I &圖傳I &歷史II &電腦III，有兩科係同譚叔一樣
，係地理I &歷史II ，如果我入到中史啲話，我就同譚叔多一科一樣嫁喇
，之後大約9:15am就排隊落去禮堂，本來我地係坐最前果幾排，最衰就係前面帶頭果個囉
 ，一定係人妖宜
，算啦……還定都係最後一日見佢，之後佢就唔知會派到邊間學校，之後就企喺度睇住個螢光幕D童軍升國旗
 ，睇完就唱校歌，都唔識唱
，咁咪亂唱囉
 ，唱完就坐低聽長氣校長講野
，乖啲小朋友唔好學哥哥咁叫校長做長氣校長咁無禮貌呀，知唔知呀
 ???個長氣校長講左20分鐘終於講完，之後就頒獎，頒完獎就到唔知咩副校長(唔係陳天生副校長，係令外果個)宣讀各班首三名學生名單，我地班，第一名係……張煥烶，第二名係……呂詠茹，第三名係……區浩勤，勤哥佢文武雙全，張煥烶就唔係喇，文得武唔得，就好似……唔好講啦
 ，一陣張煥烶又話我寫佢壞話，打爆我個嘴就死啦
 ，之後就係中三班各班班長上台同校長攞~中三級結業証書~，譚叔企埋校長度，大家差唔多高，不過……張煥烶企埋去就……矮過校長差唔多一個頭
 ，攞完就俾左Miss區，Miss區就傳俾我地，之後就禮成，不過未走得住，要聽宣佈，聽完就放學，我就同譚叔&哨牙仔&何b&馬騮一齊行，行到譚叔樓下就散Ben，我就返學校整D野，首先我上圖書館度掃瞄D成績表入電腦再send番返屋企，但係我個 s20021540 啲戶口唔夠位save D 掃瞄左啲成績表
，咁咪無得send番返屋企再放上日記同send俾小學老師睇
，唉……算啦，浪費左好多時間，之後就影印成績表，影完印大約12:30pm就落去家長資源室，因為梁子輝叫我放左學就過去，但係家長資源室鎖左同無人喺入面
，咁我諗佢會喺小食部嫁啦，真係俾我估中左
，連貓so都喺度喎，咁之後就周圍行，KK&囡囡&張煥烶依四朵金花其中三朵喺度幫梁根做野
，之後見到洪姑，洪姑叫我幫佢影印，影完印就俾返洪姑，之後洪姑去食野，我就借左個籃球同梁子輝&貓so一齊打，打左好內，之後2:30pm就還波，我地三個就返屋企，我返到屋企無食飯，就玩電腦，玩到大約5:15pm就同細佬去隆亨邨幫老豆攞野，攞完返到屋企就食左少少野，食完6:10pm就同細佬約左梁子輝去田心足球場踢波
 ，我地未到田心足球場之前，喺屋企樓下，我唔小心踩波車
，跌左落地，整到個膝頭流晒血
，不過對我黎講，係好少事姐
 ，依D係唔係~未出發先興奮~
???我同細佬去到田心足球場果時，一個人都無，田心足球場D牆同個地下D線都油過晒
，好新同好靚呀
，我地就踢左一陣，無啦啦郭啟踩住單車過黎話踢
，我地無約到佢，不過算啦，多一人不如少一人，咁就一齊踢，踢到7:00pm，郭啟就走，我地繼續踢，踢左一陣，梁子輝先睇住本漫畫慢條斯理咁行過黎
，黎左仲唔係踢喎
，一路睇漫畫，一路踢，唉……上次黎到就喺度傾手提電話
，今次就……唉……算啦，踢左一陣，有D唔識啲人黎左踢
，我地無理佢地，繼續踢，踢到7:25pm，佢地話同我地鬥波，不過我地要走啦，返到屋企，我咪打日記囉
，因為今日太多野寫，所以打到9:25pm先打完，之後唔想食飯，因為咁夜仲食，會好易肥嫁!!!
其他事項:我家姐喺今日7:40pm終於返黎屋企，不過我都無乜同佢講野嫁啦
!!!
|
