今日唔洗返學 ，不過我要返學校塙洪姑做野，咁琴晚就將鬧鐘整到今日朝早8:40am響，朝早就響左啦，不過我唔想起身住，就繼續訓 ，之後9:30am起左身，屋企無晒人，之後咪刷牙&洗面&換校服，之後咪返學校幫洪姑做野囉!!!返到學校，KK&囡囡&羅丹&貓so&梁子輝&同D高年級啲人已經返左黎幫手，唉……成個朝早都好鬼悶 ，喺走之前，我地去左家長資源室門口，見到學校籃球場度有人地打籃球，之後有人打輸波，無喇喇打人 ，咁俾人打果個就想打返佢，不過俾D人同鄭sir欄住，咁就打唔到佢啦，咁就喺度爆粗 ，仲推鄭sir，俾人打果個好似有好多人幫佢咁，我親混亂，都大聲講左兩句唔係好粗啲粗口，好彩無人聽到姐 ，之後兩個都俾人捉左 ，之後1:15pm，我&KK&囡囡&羅丹&貓so&梁子輝&洪姑就離開家長資源室，去食飯，因為我地攞住D要放去隆亨邨啲~隆亨社區中心~，所以洪姑話要一齊買野去~隆亨社區中心~食，唔可以離隊，咁我就打電話俾老豆，同老豆講我唔返屋企食飯，之後我地去到新翠邨商場啲麥當勞，就入去，我就想喺附近啲麵包舖買包食，點知洪姑係咁話請貓so&我食麥當勞 ，我地話唔洗，因為我地有錢，但係洪姑係都話要請，咁就聽洪姑話囉，梁子輝就自己買，囡囡佢地之前已經買左麥當勞返學校食，咁買完就攞走，我地1:50pm去到~隆亨社區中心~，洪姑&我&貓so&梁子輝就食野，囡囡&KK&羅丹就包野，佢地包左一陣之後，劉百樂D學生都黎幫手包野，羅丹就走左，我地食完野就做野!!!之後包完野之後，洪姑叫我打D字 ，貓so&梁子輝就去女廁洗發泡膠箱 ，仲叫囡囡&KK睇住佢地，避免D女性入左去，好彩我有野做姐 ，唔係啲話……我都要入女廁呀 ，之後5:30pm，羅丹黎左幫手，過左一陣，洪姑喺~7-11~買左D野飲&魚蛋&咖哩魚蛋返黎 ，叫我地&D社工黎食，食完之後，KK&囡囡&羅丹就吹D氣床(喺沙灘用啲浮床)，佢地吹到6:25pm，仲吹緊果時，梁子輝攞D吹氣啲保齡球樽打囡囡&KK個頭 ，咁我就玩埋一份 ，之後佢地就還擊，佢左D還擊都無用啲 ，之後梁子輝俾佢地搣，哈哈…… ，囡囡條校裙有兩條黑色啲印，可能整到個門啦，KK都有，之後6:50pm我&KK&囡囡&羅丹&貓so&梁子輝就離開~隆亨社區中心~，各自返歸，我7:00pm返到屋企，之後食飯，食完飯就玩陣電腦，跟住就打日記 !!!