朝早11:30am起左身，比平時星期六&日遲左好多起身，因為琴晚同馬騮玩ICQ玩到2:30am先訓，之後咪刷牙&洗面&睇電視，睇到12:00pm，老豆同丫媽買左部新電視機返黎 ，要換走部用左有十年啲電視機 ，因為自從2005年6月28日(星期二)果日之後，部電視機唔知點解剩係有聲無影像，睇內D先有返影像，山左機之後又係有聲無影像，所以咪換囉，好唔捨得部用左十年啲電視機呀 ，佢倍我地搬過兩次屋，部舊電視機係~樂聲(SHARP)~牌，螢光幕都係12.5寸乘16.5寸，機身係黑色，新電視係~康佳(KONKA)~牌，螢光幕係12.5寸乘16.5寸，機身係銀色，放好左部新電視之後，睇完到，咁我倆老豆去隆亨商場買條新~天線~試下囉，點知又唔得，叫左隔離屋個姐姐幫手，媽咪話我唔睇下說明書黎整下部電視，叫我無上進心喎，要搵隔離屋啲人幫手，咁我咪嬲起上黎就同佢嘈左幾句 ，之後個姐姐幫我地整好左部電視，老豆話依部電視840蚊，係暫時用住先，遲D再買部二千幾蚊啲超薄電視!!!之後我咪同張煥烶玩YM&同D人玩ICQ，玩到3:00pm，我&細佬去田心足球場踢波 ，因為約左D同學去踢波，去到，有我&細佬&何b&嘉駿&郭啟&郭啟o的兩個朋友，咁咪鬥球，踢到4:10pm我&細佬&何b就走，之後我&細佬咪去~7-11~買野飲，買完就返屋企囉，返到屋企，部舊電視機已經賣左俾收買佬，得果80蚊 ，咁少，話搵到部電視啲搖控就有多20蚊，我咪沖涼，之後我咪打日記，之後細佬搵到搖控，就打電話俾收買佬，5:25pm收買佬上黎攞個搖控走，俾左20蚊我地，我覺得個搖控仲值錢過部電視機!!!之後6:00pm我一邊補我對踢波鞋，一邊玩電腦，6:25pm媽咪幫我剪頭髮，剪到7:05pm就剪完，剪得……油麻地(麻麻地)啦!!!之後我就沖涼，沖完涼就繼續補鞋，8:00pm就補完，補到好……差 ，咁之後咪食飯囉!!!