琴晚玩電腦玩到4:00am先訓 ，今日3:00pm先起身，今日喺我訓教果時，東京城單車鋪老板係咁打電話黎 ，叫我返工 ，我又訓緊教喎，琴晚又唔講聲喎，可能我琴晚邊玩電腦邊傾電話冇聽到老板電話啦 ，起身之後就梳洗&換衫褲&食D野，之後去單車鋪返工，去到3:30pm，咁就租下車俾人，推下車出黎，推下車入去……做到8:00pm就放工，人工方面就做埋聽日&後日先俾，咁子輝&貓so喺度等我放工去新城市中心，咁就行啦，唉……著住條好多單車油嘅褲周圍走 ，話就話夜晚冇乜人見到姐 ，之後去到就睇人地跳Hip Hop，睇左陣就唔睇，企埋一邊等人黎，等左陣馬騮就到，之後等左十幾分鐘個女仔仲未到，咁我同貓so就去搵佢，搵到佢之後貓so又唔可以見佢喎 ，因為果個女仔係貓so仲意嘅人，但係個女仔又唔仲意貓so，咁貓so就避佢，咁我又跟住貓so一齊，因為個女仔仲意我，我唔仲意佢，總之就係一個好複雜嘅三角關係……唔好講啦 ，講返依度，咁我同貓so過左陣就出現返，之後等左陣我細佬黎埋，咁我地六個就去好運食M記，食完就去新城市中心三樓睇果舊野 ，果舊野都唔係好靚姐 ，我個人認為炸……，之後11:30pm我地就去返Hip Hop果度，隔左陣我地就同好多好多人行左去沙田中央公園門口，周圍都好迫 ，突然忍隱聽到「3」、「2」、「1」，之後突然我地嘅左手邊有煙花射左出黎 ，周圍D人都:「嘩……」「嘩……」 ，D煙花都唔係好靚好特別姐 ，又係我個人認為啦，睇左陣就冇晒，咁我地就行返去大圍，去到大圍我地就去糖水鋪食糖水，去到冇位 ，咁就企喺出面等，等到1:00am就有位，子輝一坐低就叫左3樣糖水 ，嘩……睇你食唔食得落 ，睇你肥唔肥 ???咁貓so叫左一個，我又叫左一個~幻彩涼粉~，其他人就冇叫，咁食到1:15am，子輝已經食左兩個，真係食唔落 ，咁就將另外果個分左一大半俾貓so食，自己食少少，哈哈……不過連少少都食唔落 ，之後我地就行返屋企，2:00am我同細佬就返到屋企，咁我就玩電腦……