今日7:20am起身，之後梳洗&換校服&返學，返到去傾左一陣計就集隊，集隊果陣，有張寫住~中三升中四成績進步首20名~ ，哈哈……有我名 ，之後梁根宣佈叫D中三升中四成績進步首20名嘅人上禮堂 ，下……要上台攞獎嫁 ???唔係呀 ???不過有好多我地班嘅人倍我，有死狗(劉富妍)&李嘉恩&勤哥(區浩勤)&肥麟(陳偉麟)&楊裕民，上到去就同鵬嫂(司徒淑嫻)&勤哥坐，之後睇人地歌唱比賽，頭果一、兩個仲OK嘅，不過後面果D就唔係幾得啦 ，睇完就抽獎，抽完就睇綜合表演，睇左陣又抽獎，抽完繼續睇，睇左陣又抽獎，抽完就頒歌唱比賽嘅獎，頒完就頒中三升中四成績進步首20名 ，有一張証書&一個信封 ，個信封有50蚊大眾書卷 ，之後就睇人表演，睇完就抽獎，之後就上班房聯歡囉，人地聯歡我地聯歡，我地就聯得慘個人 ，人地班就有野食有野玩，我地班靜係睇~恐怖蠟像館~ ，人地班班主任就俾人玩，我地班班主任就喺度改作文 ，唉……又唔好睇喎 ，咁咪去人地班門口遊蕩下囉，唉……好善慕人地 ，之後12:50pm就放學，咁就返屋企，返到屋企玩電腦，玩到1:30pm就去大排擋食飯，食完就返屋企繼續玩電腦，玩到2:30pm就同何b&馬騮去子輝屋企打機，玩到4:20pm何b&馬騮就走，我同子輝就繼續打機，打左陣就睇漫畫，嘩……子輝超狗呀 ，佢喺MSN同KK講左D唔應該講嘅野，之後就話我用緊佢部電腦 ，話我講嘅 ，之後KK就話我~Kai子蔥~ ，又喺MSN個名下面打左~XX聰好克人僧呀，我好嬲佢呀~等等嘅說話 ，嘩……死人梁子輝搞到我變左罪人咁 ，又唔講返真話 ，之後我睇到5:45pm就返屋企玩電腦!!!