今日7:30pm起身，之後梳洗&換校服&返學!!!

第一&二堂係電腦堂，要小測，之後繼續教HTML，教書果時，極度悶 ，咁又眼訓 ，咁咪訓下聽下囉 !!!

第三&四堂係英文堂，亞sir派返D功課俾我地夾返落D File度，夾足成兩堂，所以唔洗上堂 !!!

第五&六堂係歷史堂，教列寧&史太林嘅外交內政，其中亞sir問左某某圖嘅入面左手邊果個人係邊個，咁我就答~史太林~，之後亞sir問佢隔離果個呢，咁我就即刻答~史太硬~ ，咁亞sir就啤住我 ，咁我就話~對唔住，係希特拉至岩~，嘩……好彩亞sir冇罰我姐 ，之後落堂之前就教我地點樣做論述題!!!

之後食飯咪去大排擋食囉，食完又返屋企一陣囉!!!

第七堂係數學堂，繼續做數!!!

第八堂係中文堂，亞sir一入到黎就抽人起身書 ，唉……一定係琴日背默唔得啦 ，抽抽下抽中我後面訓教果兩個女仔 ，訓到矇成成咁 ，叫佢都唔知，之後醒左就慢吞吞咁打開本書，仲不斷咁問我背邊，哈哈……個場面好好笑 ，之後抽中我，哈哈……我緊係冇背錯啦 ，背到咁熟 ，只不過琴日心急漏左四句之嘛 ，抽完人背就叫我地重默多次，哈哈……今次我好小心 ，一句都冇漏 ，一定攞100分啦 ，哈哈……，默完之後就放學，咁譚叔問我「那榆蔭下的一潭，不是清……」之後係咩，咁我就背佢知，背到「悄悄是……」果度，我就話「悄悄是離別的笙簫」，點知貓so話係「悄悄是別離的笙簫」，下…… 咁我就衝左入去4B班搵cara攞本中文書睇 ，點知佢話~我鎖左喺櫃筒呀~，唉……100分美夢冇啦 !!!

放學就去家資，點知見到有個足球喺地下 ，咁就攞黎同子輝&李政浩踢 ，我打籠，佢地射，之後踢到4點幾就返梁根收左 ，仲話左幾句 ，之後咪去家資囉，5:40pm就返屋企，之後就好快咁換衫，之後跑去大圍火車站搭馬鐵去琴日開會果度，落左車就跑過去，好彩6:10pm返到去姐 ，唔係就死啦，之後交一舊水之後就去開會，開到8:00pm就返屋企，返到屋企就食飯&玩電腦!!!