今日7:25am起身，之後梳洗&換校服&返學!!!

第一&二堂係體育堂，唉……我竟然有帶運動衫&褲，但係冇帶鞋 ，咁搵亞sir借鞋著啦，點知對對都咁細 ，咁咪著住皮鞋上囉 ，個個著白鞋，我著黑鞋，人地話我係「黑馬」喎 ，之後就100米短跑，唉……著住對皮鞋搞到我慢左好多 ，之後跑完就去踢波 ，唉……D人見我著住皮鞋唔俾我踢 ，咁咪返入去坐囉 !!!

第三&四堂係地理堂，繼續教地震，咁我冇聽書，因為我喺度作緊琴日未作完果篇~地球生病了~ ，作到差唔多落堂就作完!!!

第五堂係數學堂，又係做數囉，好易姐 !!!

第六堂係英文堂，咁就作琴日叫作果篇文啦!!!

食飯又去大排擋食囉，食完就返屋企執執儀容囉，之後1:40pm就返學校!!!

第七&八堂係圖傳，今堂要用CorelDRAW9做一幅海報，主題係~嘩鬼聖誕節~!!!

放學就上返班房，因為中文補課，要我地背默完~再別康橋~先走得，咁我好快就搞掂 ，之後交完就執野準備走，點知醒起默漏左四句 ，唉……算啦 ，之後就去CAL繼續做埋圖傳份野，搞掂就去家資，之後5點幾就同貓so&子輝去張煌煒打籃球，哈哈……途中貓so凌空射波果時俾我一野撞埋去 ，搞到佢成日訓低左，隻手俾我整到內出血 ，打到6:00pm就去子輝屋企，去到等佢換完衫就一齊搭89b去乙明落車，之後去~香港祟真會綜合服務中心~參加~青年創業夢工場~，咁就開會開到8:00pm先完，咁就同子輝&貓so&周周&丫蚊&丫沈&丫庭搭馬鐵囉，之後我咪返屋企食飯&玩電腦……