今日7:25am起身，之後梳洗&換校服&返學，返到去就集隊，之後上課室，亞sir話有兩個人可以去~英語歷奇營~ ，但係又冇講邊位個 !!!

第一&二堂係數學堂，今堂教因式定理，聽左一陣，好眼訓 ，咁就訓左陣 ，之後醒左咪做數囉!!!

第三堂係歷史堂，亞sir話唔知要去做唔知咩野 ，就派左張工作紙俾我地做 ，之後就走左 ，之後謝機球黎代堂!!!

第四堂係電腦堂，繼續學HTML!!!

第五&六堂係英文堂，亞sir話黃太方&蕭根權可以去~英語歷奇營~ ，咁我就冇得去啦 ，唉……失敗 ，之後就教書!!!

之後食飯就返屋企食飯&換衫，之後1:30pm就踩單車去M記搵子輝，子輝食緊野，咁咪踩去學校附近囉，之後想去子輝屋企樓下果時，點知唔小心抄左車喎 ，個前碌咩左 ，個前水擋壞左 ，隻左手屈親 ，好痛 ，之後就去子輝屋企樓下鎖車，之後上佢屋企打機，玩到3:30pm就同子輝落去樓下等貓so，落到去瞄so到左，之後我就推我嫁單車去~東京單車城~，子輝同貓so就倍我去，之後去到亞叔幫我拎返好個碌咁就搞掂 ，唔洗俾錢 ，不過裝個個前水擋就要15蚊 ，子輝就買左支八合匙 ，35蚊，搞掂之後我就踩單車返屋企，返到屋企就換衫，亞媽就行去學校先，之後就趕返學校 ，返到學校就同亞媽一齊填問卷，填完就見班主任，好彩唔洗等姐 ，入到去就坐低，亞sir俾左張成績表俾我，睇一睇……嘩……我冇發夢呀 ???我竟然……竟然……全班……第……6……全級……第……35……

見家長果時嘅對話:       亞sir話我~D中文&英文唔係好掂，喺會考就會拖低晒D分，佢依家係圖傳同數學拉高左D分姐~，之後問我亞媽平時喺屋企做咩多，亞媽就話~玩電腦囉，一放學就玩到夜晚，玩到食飯果時都要一路玩一路食，我都唔知學校係唔係冇功課做，日日玩電腦玩到黑，唔洗做功課唔洗溫書……~ ，之後亞sir就叫我亞媽星期一至四唔好俾我玩電腦，星期五、六、日先好俾我玩 ，又叫我亞媽搵補習老師幫我補中、英文 ，又話我~邱世聰佢呀，一開學果時都仲好好，到左10月尾之後就上堂趴喺度，成日同隔離果個傾計~ ，咁我就問亞sir~乜亞sir你睇到嘅咩???~ ，亞sir就話~睇到，平時我睇到唔話你地炸~ ，之後亞sir就問~你想唔想讀大學呀???~ ，我就話~升到咪升，讀到就讀，順其自然啦~，亞sir就話~你要讀就要努力，唔順其自然、升到就升，你有冇問過亞sir中六D行程呀，上到中六圖傳落冇嫁啦，咁你果時就冇左依科嫁啦，加上數學唔係主科，中文&英文先係……~ !!!

之後見完就同亞媽去006室填問卷，不過只係家長填，咁我就叫亞媽~咁你填完就返屋企啦，我留喺學校~，之後我就喺學校玩，之後好似6點幾先返屋企，返到屋企就玩電腦!!!