今日7:30am起身，都唔知訓左有冇4個鐘 ，因為琴晚2:00am訓 ，不過訓唔著 ，碌到3:00am先訓得著 ，之後仲要訓得唔好 ，係咁醒 ，唉……講返今日啦，起身之後就梳洗&換校服&返學!!!

第一&二堂係體育堂，換完衫就出去跑三個圈，之後就去足球場踢波 ，6打6 ，咁我就入左其中一隊，踢左陣我地就俾人入左兩粒 ，咁就到我守籠 ，哈哈……一球都冇失 ，不過都要換人，咁我就喺場邊同人射下波!!!

第三&四堂係地理堂，教地震囉!!!

第五堂係數學堂，繼續做數，is very easy !!!

第六堂係英文堂，又教寫信!!!

之後放食飯咪去買車仔麵返學校食!!!

第七&八堂係圖傳，繼續畫剖面投影圖!!!

放學就去4樓新翼活動室面試，因為之前參加果個~英語歷奇營~太多人去 ，所以要面試揀人去 ，一入到去，企喺門口果個女仔遞左張紙仔俾我 ，我唔知咩事 ，就停左一陣，之後攞黎睇 ，原來係張籌 ，嘩……第31個 ，丫co見到我行到門口等左喺呆左就笑我 ，等到丫co走左之後就上六樓洪姑度，上到去攞左張通告就落返去面試，岩岩好到31 ，好快講完，D問題我聽得明嘅 ，不過唔係幾識答 ，咪~Yes~&~No~囉 ，之後就去家資，之後去子輝屋企打機……