今日7:30am起身，之後梳洗&換校服&返學，返到學校就上課室擺低書包，之後就落去，等左陣就集隊!!!

第一&二堂係電腦堂，繼續教HTML，好易姐 ，不過好多野要記 ，仲係英文 ，唉……會考仲要考嫁嘛 !!!

第三&四堂係英文堂，亞sir播Spider-man ，不過搞左一堂多DD先播到 ，正……上少一堂 ，咁我地剩係睇少少，之後就教做Oral exam!!!

第五&六堂係歷史堂，亞sir繼續教蘇聯，之後最後果陣亞sir就播~希特拉的最後十二日~ ，又係睇左少少!!!

之後食飯就同都豆去大排擋食，食完就返學校!!!

第七堂係數學堂，繼續做數，對我黎講係非常容易 !!!

第八堂係中文堂，亞sir叫我地舉出一D唐朝詩人嘅名 ，每行舉一個 ，舉唔到就成行罰 ，不過全部都唔洗罰 ，之後諾哥舉左 杜秋娘 嘅~金鏤衣~ ，仲背左出黎 ，真係勁 ，之後亞sir要我地背一首唐朝五言絕詩嘅壓卷之作--柳宗元 嘅~江雪~先走得 ，好易所以好快識背 !!!

放學就去B班坐陣，睇丫co佢地做功課，之後4點幾就去家資，之後返屋企換衫&jaui頭，5:00pm就踩單車去子輝屋企打機，打到7:00pm就返屋企，哈哈……今日打邊爐 !!!