聲明:  因有見本人不認識的訪客"蘢"及其朋友在未經本人同意引用本人網誌內容，以及作卑劣、沒有理據及邏輯的人身攻擊，本人已向Yahoo作出嚴正投訴，並已把相關字眼紀錄，考慮準備作法律行動。事實上本人早已在20/4以私人回應形式提醒該訪客要慎言，並不作追究，惟該人並沒有理會。由於事件有機會進入法律程序，本人於今日起不會再評論事件。

呢句係我唔只一位客人加朋友講0既~大家都覺得依家經濟唔好，有d人係可以為左開飯咩都做得出。

所以，為左令人地唔好連錢都搵唔到，我0既朋友叫我當做下好心(我0既朋友真係善良~!!)，唔好理佢~唔好攪到人名譽掃地，雖然唔攪人地都已經臭曬朵~(唔係我講，只係靠人地0既客個有趣回應，同自己個post所賜，因為睇番Yahoo blog search 0個part，只要一search "vinatge"，第一個出0既設定字就係"vintage shop"，所以好難怪人地明明完全唔係賣古董野都要加個vintage上去~)~只係佢班忠心0既客先會再同佢癲~

事出必有因，我都未出聲開名話人，居然已經有人惡人先告狀，真係好笑~點解咁多間生意好過我，而且同樣做左我一樣0既「月結」制度、同我同一件貨仲跟到一樣價錢、用左個自我介紹0既字，我都唔針對，係要針對某一間其實唔多顯眼、客又完全唔同0既? 唔係你自己攪事先，我會咁得閒0係呢度寫清楚發生咩事? 投訴? 傻喇，如果我真係衰到會咁，我就唔使慘到比人惡人先告狀了~我一早講過如果唔係前日見到0個單野，我一向都係刪左堆廣告就算，仲有，有一個我都未刪，因為我0個陣以為佢係入來分享，後來先知，原來係有心入來賣廣告><"~我真係蠢><

如果當初知道對方係咁0既人，我當然會好似人地咁，公告天下，不過我就唔會完全無point咁反咬人，一定俾曬證據 (唔係0個D所謂0既證據，笑大人個口)~我唔0係Vintage Shop度講呢堆同上一個post講0既野，係因為唔想阻住班客睇野，我班客無興趣知咁多野只係想買野~而且唔需要知咁多~不過我知好多朋友，以及同行都會入來，我唔想大家完全唔知咩事~

架係自己丟0既，俾足面對方，對方唔止唔心足仲要攪事，我真係講道理都費事~

今次我就咁算數，真係唔再講了~生活同情緒都應該回復正常番~但如果再俾我見到有人惡人先告狀，真係唔好怪我唔客氣，都係0個句，架係自己丟0既~面已經係我俾足0既~

唉，side我時間~要做功課了，12000字~我已經好多貨都未影相...係0既，我做野雖然係慢，但都唔會好似人咁，copy supplier張相都唔緊要，因為呢個係常做0既，但有時為左搶貨，急到唔del supplier地址就已經放左上去，之後仲假到話自己唔夠快所以比人覺得係抄~仲要話人地抄相唔影實物無誠意，咁就真係好正囉~老娘只係新丁一名，又何德何能「教」你呢位以前開鋪0既要快呢~不過，老娘就大可以用人格教你，做人，應該小心一點，老實一點同大方一點~當人地都未話你0既時候，就唔好亂咁吠喇。

呢度係未有打算開板0既~因為我印左咭片~><同埋我唔係好慣用呢個，所以唔會考慮用佢住~

我其實唔多識用呢度0既野的...

呢度只係用來支持同行VJH，所以開左呢度，方便我留私人回應比佢。

識0係呢度開0既，應該唔少人~

完。

不過，見有少少人入下來，咁咪比野你地睇囉，橫掂大家都以為我開呢度...哈哈!!!

____________________________________________________________________________________________________

其實我都識唔少都係賣野開實店0既朋友，發現實店同場「同行免問」0既規則比較多，而online呢，我自己就唔會唔比人入0既，同埋都成日幫襯其他賣家，包括衫、飾物都有~靚ma~~不過我就有一個原則，就係一定唔會賣廣告、用私人回應、以及係有心買先留回應問人地，所以一直同幾間做得好成功0既飾物店都keep住有聯繫。

而當我收到一個同行0既客0既一個好「正義」0既公開回應，了解後，就覺得好好笑，依家歸納一下，比大家睇下我0既「罪證」:

真係要特別多謝呢個自稱做DESIGN同「MER蠢」時我都未畢業0既人地忠實正義FANS (如果咁醒，可以自己拎貨，做咩人地個客姐，仲有字都寫錯，夠胆話我唔明叫我去讀下書..?)，唔係佢話我知呢堆豬成咁0既野，我都唔知，原來商場如戰場，人係可以為左一個驚字咩都講得出，真係盡用曬Yahoo private blog 0既功能做盡八婆野~本身我都想咁刻薄，但愈諗愈唔對路，唔澄清我諗真係啃唔落呢隻超大「死貓」~!

(1) 成日去睇某同行0既blog

我0既回應: 如果咁驚比人睇，可以封左個blog佢，或者唔好做都得架~更正0既係，對方覺得我「抄」佢，佢唔入去我度睇，又知我「抄」? 咁如果佢又有入人地度睇0既，咁呢個係咩論點呢?

(2) 抄佢會員制0既「橋」

我0既回應: 會員制0既橋，其實完全唔係一個橋，因為唔係佢一間先有同識諗，唔通....m記,Gucci, LV...都有會員制，唔通佢地抄0個個同行0既?!! 所以真係勁正，而且最正0既係，我係無呢個所謂「會員」0既，更加係無先睇貨0既所謂制度0既....@@唔該搵下資料先插，OK?

(3) 部份係同佢入一樣0既貨，我抄佢

我0既回應: 其實我諗番，係一次我開post比大家訂日韓飾物，之後無啦啦該同行0係我度留左個公開回應賣廣告，之後我click去佢度睇，發現佢原來之後都有一樣0既野。而聖誕時，我賣緊花心口針，又0係度收到0個位同行0既回應，指花心口針係舊貨。但去到今年2月，我又發現該同行賣緊相似的。而最正0既係，我0係1月時開始賣AVON等品牌飾物，同行居然0係數日內照跟同一批，(但我已經賣曬，上左其他野了) 而且仲不時經常暗示人地賣假野，仲有我用邊一個SUPPLIER，佢又好巧合咁0係過千萬個中搵到，仲要當我有一件新野上時，佢0係另一邊立即話0個件野太細，佢唔會入。(但自己上左件SUPPLIER寫明係次貨0既貨賣$15!!$15都唔放過，絕呀!!) 所以，唔好怪我要日日咁辛苦同勤力睇住，唔係睇靚野，係睇下有無比人抄野呀，醒目~!

(4) 抄佢被刪blog後開另一個地方0既「橋」

我0既回應: 呢個都係橋，真係咩都係，吞口水都係了。其實以我所知，最早識開0既同行係Betty....而我就係因為知Betty開左，佢又叫我地去佢度睇，就開左個acc留言(同行0既行規，係留私人回應，咁唔開，又點留呢)，直至有一日我見到0個位同行去過Betty度，我先知0個位人兄跟Betty風開左，不過最好笑0既係，我從來無諗住搬去另一個地方，大家話佢係咪驚我驚到傻左?!

(5) 扮買家去佢度留野話俾個妹，之後再賣比人

我0既回應: 第一扮都唔用自己blog留私人回應，應該用vintage shop acc.留公開回應，好似佢0係我度賣廣告咁，就最好喇。第二係買野係好耐之前0既事，雖然個筆袋同耳環，我個妹都用緊! 0個時我係未識入某些貨，而同佢撞0既都係之後自己識入0既~因為要入佢0既野，其實勁易，連我唔係賣飾物賣衫0既朋友仔都識教左我入，所以我就入左，後來仲因為太普通要特價蝕本賣有人要tim。(唉呢個故事教訓我，入貨，係要靠經驗先訓練到taste!!當然，無0既人，就點都係無) 第三我「扮」買野，我真係要比錢買0既，咁我扮來做咩??!

(6)「抄佢橋」唔同佢講聲同唔認

我0既回應: Who are you? 做咩要抄你?

(7) 小店成日「自我吹噓」?

我0既回應: 更勁0既老娘都未吹，特別係當知某同行做左咁耐，都係得咁多人訂閱仲要post埋出來話自己多人睇同自己0既野幾靚，明明唔係比雜誌訪問又唔係有雜誌款又要登，老娘都未出來同0個個人兄吹，真係俾足面啦!

(8) 我「抄相」

我0既回應: 人地有自己brand牌架，我點抄呀? 我用offical/supplier相無誠意，唔通你用就係有?  如果真係有誠意，就唔好人地賣咩你抄啦....

後記:

講到尾，都係一個妒同一個驚字! 咁驚，就做好本份~唔好攪咁多小動作!! 而通常係驚0既人見到呢個post先會此地無銀，無做過0既，又要唔要驚到人地無開名驚到咬人?