唔知
呢篇野有無人睇到呢
1. 其實....我呢排真係好好好唔開心
2. 其實....呢幾個月黎我真係受左好多打擊, 傷害
3. 其實....我知道做錯左好多野
4. 其實....我都知有好多野宜家覆水難收, 不能再作任何挽回
5. 其實....我好怕孤單
6. 其實....我好依賴身邊既朋友
7. 其實....我知道自己成日都好煩, 但係有時我真係控制唔到
8. 其實....我唔明點解好多人一開聲就要對我態度差, 身邊每一個人都係, 我唔明點解佢
地對住其他人同對住我個表情一定係唔同, 其實點解要咁?
9. 其實....我改緊, 我真係有改緊, 只係你地對我先入為主
10. 其實....我已經唔多想再鐘意人
11. 其實....開始睇清楚身邊既人, 邊d係朋友, 邊d唔係, 已經心水清了
12. 其實....離開左CPU去左何中都唔係件壞事丫
13. 其實....我成日無意做錯野hurt到人, 說真的好多野我都唔係有心
14. 其實....好多人係某件事上都誤會了我, 誤會我既動機, 誤會我既係一個歹毒既人
但係已經唔想再多作解釋了, 隨便你地點諗
15. 其實....我知自己成日好多事走去做架兩, 往往就係因為咁闖左好多禍
16. 其實....我發覺身邊真正明白同體諒我既朋友原來唔係好多....
17. 其實....我原來將好多中四至中五, 甚至乎係CPU既人、事都美化了
18. 其實....我發覺自己真係一個好天真既人
19. 其實....朋友唔係用來計較嫁朋友
20. 其實....我知我雖然做錯野, 但係我受夠你當我係乞衣咁乞恩了
21. 其實....我知有時自己係會過份關心人比到壓力人
22. 其實....我做完好多野都唔記得, 所以做錯野都唔知自己錯乜
23. 其實....我係一個好大意既人, 亦因為咁令我做錯好多野
24. 其實....我上堂訓教真係控制唔到的...
25. 其實....我真係好想有一個都係好鐘意打排球既好朋友and知己, 因為咁樣可以有極
多話題, 同埋無時無刻都可以有人陪我傾排球既野, 而且又可以成日見
26. 其實....我知道周遭有好多變遷, 而我亦開始接受了
27. 其實....某程度上我係一個幾唔鬧得同幾要面既人, 但係可以ignore我呢一樣野, 因為
我知道咁樣係唔好的
28. 其實....我都算係一個疑心大同妒忌心重既人
29. 其實....我係一個幾主觀但同時又好易受人影響而改變自己立場既人(某d情況)
30. 其實....係屈臣士做得真係幾舒服同埋d同事真係幾好, 諗番呢段日子都係開心的=]
頂, 頭先係yahoo blog到打左49個其實, 跟住佢個系統有問題
一咁提交個下無晒, 頂佢個肺
我淨係save左30個
唉, 擺住係到先
下次有mood再打過
炆.\/.
|
