呼~~!!!
今日係結業禮lu~咁重要既日子當然唔記低唔得啦!
今日既主題都係離唔開黃校長嫁喇!
今朝約左肥仔搭9點3個班71K, 點知我只係去左大昌買水, 架車就到左, 肥仔唔等我就上左車, 賤格!
搞到我要飛的番學
番到去, 第一件事竟然係影印校刊測驗改正-,- , 基本上好多人都唔記得左呢回事
跟住Miss Liu & 胡sir黎講左陣野, Miss Liu勁大手筆送左4本好有用既書比Ryan, 林嘉淳, 佬賢,"安迪v_v"....
唉! 唔恨得咁多嫁喇~鬼叫人地英文勁咩xd
Then就派得獎者座位表~甘甘體育科分科, 何凱怡音樂科分科, 勁啦2條友, 襯到絕
(入座個時胡sir叫我放學去揾佢, 我問係咪關琴日冒險樂園比人捉個單野事, 佢話唔係, 係其他野, 勁serious咩事)
落到去係咁唱Give Thanks, 跟住Miss Mok 彈錯校歌...真係爽yy
感覺....盡在不言中啦~~
跟住係頒獎, 逢係4B仔拎獎既時候我地都拍得勁大聲! 拍到我(地)手都紅晒~~甘甘同何凱怡拎獎既時候我地仲歡呼xd (甘甘既歡呼聲勁d)
跟住阿黃偉強哥講感言, 講到校長喊, 佢自己又喊, 佢仲加左句: 唉真係唔好意思, 男人都狗...
講真, 見到校長喊, 都真係好唔捨得, 我諗佢都應該好耐無喊過, 我諗佢上一次喊都應該係割膽既時候
(校長成日同我地強調佢個膽已經割左, 所以佢無膽, 叫我地唔好嚇佢..哈哈)
我宜家諗番, 由我中一諗入黎, 就開始對校長無咩好感, 跟住聽左好多鬧佢既說話, 比d高form洗腦, 就開始唔鐘意佢
跟住到左中三比佢教左好短時間數學(個時佢代Miss Wong), 開始發覺, 佢又唔係d人講到&我諗到咁差
到左今年, 同校長多左好多接觸既機會, 而咁岩上年佢教過我, 所以佢好記得我係邊個, 對我都好nice, 所以我愈來愈覺得, 其實黃校長真係好錫CPU既學生
佢為左我地付出左好多, 錢都唔再講, 係心機, 雖然佢有時係幾牙擦, 幾鐘意認叻, 但係佢真係擺左好多心機係我地到
試問咁鍚自己學生既校長去邊到揾, 唉, 黃校長, 我真係唔捨得你, 以前咁諗你, 對唔住!
雖然你有時都幾rude, 但係我仍然打從心底裏尊敬您! 得閒飲茶啦!
跟住好似...好似就到左播片喇...
你都得嫁喇劉燕筠xd
勁多人話想打你囉咩事xd
勁多人話你d戲好「真」囉咩事
勁多人話: 點解上鏡個個好樣個真人嫁, 係咪執過 (雖然都係樣衰>3< xd)
好野, 播我個陣係咁多段短片之中嗌得最勁! Yes! (自大怪-,-)
好彩 cut 左最尾我碌大對眼係到偷笑個幕...xd
不過老實講, 我真係好榮幸可以有份參與其中, 因為都叫有為校長做過d野, 希望你睇完我個幾十秒唔好喊xd
之後校長同左好多學生握手, what a pity~我唔係坐邊位~~同唔到校長握手 : (
跟住就同校長say goodbye~
Goodbye and Thank you Dr. Wong!
But最搞笑既係最尾校長要如常咁報告學校既事~~
上到去派成績表, 原來無人留班, 又係胡仔放既「堅」料xd
喂..成績真係勁差咩事, 上學期唔讀書反而仲好過下學期讀書咁多, 我呢個暑假真係要洗心革面! (講過好多次, 不過唔知做唔做到=p)
不過呢一年真係...對成績睇化左好多, 又唔可以話唔緊, 只係睇化左
不過我明白一樣野, 讀唔到書係香港真係食屎, 特別係我地呢一屆, 真係勁無陰功, 連repeat都未必有, 想翻身都唔得
所以真係要搏盡佢!
好多人都話笑面虎一登基CPU就死硬, 其實我又唔係咁講覺得
車~D人咪又係一樣咁讀書...
不過可能好多人唔gur佢啦~~~
唉~不過點都好, 都係要讀好自己既書嫁喇!
今日係咁多喇=]
|
