唔知點解
次次大時大節
就算玩得好開心
好多人好熱鬧咁一齊玩
但係心入面都有一種莫名既寂寞
唔係無人陪自己
講真身邊真係有好多好好既朋友經常陪住我
而係我心境既問題
其實我係咪有情緒病?
抑鬱?
點解復活節假個排既感覺又出番黎?
好得人驚
個陣, 明明成個假期都好開心
日日一大班人飲早茶
跟住練班籃
有時上下承鋒屋企打下機
有時去佬賢屋企玩
有時朝早book場打羽毛球
講真係好充實開心
但係唔知點解我成日都好驚寂寞既來臨
但係明明就咁熱鬧咁開心
讀書讀到我傻左?
更係唔係啦
我中四開始無認真讀過一次書
我好想知點解
係咪因為我得唔到我一直都渴望得到既愛情
係咪覺得好核突好毛管動?
Sorry, 其實我內心世界真係咁
其實我唔信星座個d野
但係好多星座書都話雙魚座既人好感性
好多愁善感, 好渴望想要得到愛情
比其他人更追求浪漫
我亦逃唔過呢個厄運
好唔match, 我自己都覺得嘔心

我真係好想變番幼稚園既自己
簡簡單單就已經足夠
唔想再比人佔據我既內心世界

(唔知係咪因為今日落雨既關係, 個人變得好down)

丫仲有, 我真係好憎自己
一次又一次break左同自己訂下既promise
我發覺我真係好失敗
話要努力認真比心機讀書講左成年
但係宜家真係愈來愈差
傑仔講得岩, 宜家唔係鬥實力
而係鬥你既意志
Lau Yin Kwan, 唔好成日諗以前啦, 光輝不再了
同埋你之前都唔係好勁嫁咋
係其他人唔讀書咋
我求你
最後一次求你
醒下啦...