2014-09-24
沖繩料理味道偏啖，對於食慣濃咪嘅香港人黎講，呢度嘅嘢食一d 都唔吸引，但 對我同王生黎講，呢度嘅美食好啱口味。
黎兩次我地都係跟住當地嘅resto guide去到邊食到邊，而guide 入面好多好店都未被港人/旅遊書發現，包括No.1 沖繩拉都玉家、及清水Agu 豬shabushabu，清啖不留半點味精，只有食物中嘅鮮味。口味不一，難怪好多港人唔鐘意沖繩料理。
海之家，差不多出現晒係所有旅遊書入面。照理我地係唔會入去食，不過唉，佢好近恩納，加上我地住等咁Q 遠，仲邊有時間去搵嘢食丫。近近地，食完趕路把啦！
明知呢度多遊客完全係被呢個日落所吸引，由另一個方向遠眺ANA，望住個咸蛋黃慢慢與酒店融為一體，再喝一個清涼Cocktail，吃一個沖繩料理，慢活人生。
除咁有個咁靚嘅日落，呢度嘅環境就好正，好有外國d Beach Bar 嘅感覺。雖然餐廳係室內，但因店係傳統日式木屋，全窗全門嘅半開放式，所以每枱腳下都有蚊香驅蟲。
話說，是咁的...
Gi：嘩，原來日本都係用呢d 蟲香架！
王：咩呀，你睇宮崎駿入面都係點呢d 架啦.....
Gi(心想）: 又係喎.....
之黎王hm就送咗呢個無奈樣比我，多謝！
好，點菜！
話晒都係遊客餐廳，英文Menu 當然唔少得，Waitress 都會講英文的，好了，今晚可以休息下，English Please!
其實沖繩食嘢真係好平，而呢餐都算偏中貴架啦！
點解開車嘅係我，又唔可以飲Cocktail 啦！！點咗呢杯叫海人嘅Mocktail，pineapple juice 加 tonic water。甜，清新！剛喪游完，飲呢個補足糖份，好refresh!!
樣又靚，真係忍唔住，同杯Drink 沙龍一番！
(後面嘅係香港同胞）
上菜了，分量出奇地小，味道都比其他沖繩料理濃一點，亦較花巧，果然係一家遊客餐廳∼
AGU ﹣ 黎到沖繩，就算平時唔多鍾意食豬都要一試。記得第一次食AGU 豬，我先知原來豬係咁嘅味。AGU 豬本身肉味已經好鮮甜，固此烹調時唔洗太過花巧。一個鐵板，一D香蔥，豬上加咗D海鹽，肉身好綿，一D都唔肥膩。
JU-SHI﹣唔知呢個係咩炒飯，英文MENU 上寫 steam riceseasoned soy sauce。有D魚仔，蘿蔔絲等，材料都切得好碎，所以真係睇唔出係乜，個醬真係好味，亦好搶，所以食唔出入面有D咩。估佢應該係海老炒飯，因為王生食咗都冇敏感。王生：好食咪得囉！
HUU-CHANPURU﹣3道菜中，呢個最有沖繩feel, 好清淡嘅沖繩炒蛋，第一次食有 giuten （即麵豉湯入面常見嘅包） 嘅炒物，原來giuten 都可以用黎炒蛋，加咗菠菜炒蛋就唔會太DRY，其實就咁都已經好好食，都唔明點解要加午餐肉，好咸呀，留返比王生食。
好味，滿足∼
回家路上，順路一到御菓子殿，恩納內最大最齊嘅菓子殿，一次過買晒D手信∼之後個幾日就去追海灘LU∼
入夜，我倆在星空下說笑談心，同是最愛的人，亦是最好的朋友。無聊話題一籮籮，互相恥笑後再來深情一吻。有多少夫妻可似我倆？
----------------------------------------------
Follow Me on Gi C Life
[email protected]
-------------------------------------------
|
