17:05

終於上到機，係機上面我一路望住個窗口拍埋片佢個起機過程，然後望望下啲雲白得濟搞到我有雪盲咁😂

然後再坐多陣我就係度諗.. 咦我有冇帶錢黎呢，但都未有伸手落去拎番個袋上黎確認😂 去到日本先睇，好似刺激啲😂

如果冇..咁點好呢？我eps 又冇開通，港幣得果幾舊水，唔通到時會變左要係日本機場訓到15 號番黎😂

見到啲雲一舊舊好想跳落去食佢😓

（18：27/ 19：27）

時不時打開個窗睇雲.. 出面個景好似我個天氣球咁 XD 

訓醒一打開個窗見到日落美景.... 飛機正係兩層雲層之間..

往窗邊望過去只見一條直線的景色.. 超靚我哇了一聲出來..

（19：10/ 20:10）
唔知點解望住個景突然好想做你個女同你一齊去旅行？下輩子我會係你個女？

好妒忌.....好掛住你肥到隻貓頭鷹咁既胸膛.. 好想攬住黎喊。唔知你既下一輩會唔會仲係咁細心？

唔知係咪要拖住一齊死先可以有緣再係埋一齊？此刻我好想聽下你曾幾何時講過果句 '唔辛苦，係辛苦你咋' 當中既含意..（19：15/ 20:15∼19：33/ 19：33）

屁股又坐到好痛.....（19：38/ 20：38）

沖繩上空望下去的夜景很美...但可惜倒影太勁影唔到.. （19：53/ 20：53）

坐多陣就話仲有半個鐘到😨 我比時差搞亂左😓😩😩 （20:07/ 21:07）

關西的夜景美得像要把世界毀滅一樣—

（20：27/ 21：27）

低飛中.. 而我又繼續負面思想..— .. 好似識你時間越長，我就越怕死似的（20：34/ 21：34）

旬麗的燈光像蜘蛛網一樣擴散出去.. 似是要把城市都攏絡集成一點最後吞噬.. （20：40/ 21:40）

Solar Sakai

（20:42/ 21:42）

到著——

（20：47/ 21:47）

落左機.. 去左個廁所之後.... 係入境大堂坐低諗住set iphone 上網.. 搞極都搞唔到 但用左htc 一野就得😓

之後排隊等入境啦.. 等左十世條隊都係唔郁咁濟.. 啲人唔識填入關紙😩

但去到最後既我都係比人拒絕左唔得就咁寫車站名.. 搞到要問前姐夫地址再寫過先過到關😩

好啦最後一個出關..😓

然後比服務員問我係咪有個紫色既行李.. 佢用英文講紫色然後我未load 到，佢就用英文定日文補多句問我係咪有件行李.. 我先用日文回佢話係呀紫色既.. 然後佢帶我去拎😂💬

之後好趕咁衝左去買車飛.. 又唔識買總之簡完車站名比完錢先醒起冇睇到時間..（雖然都唔洗睇已經係尾班車..）

之後又唔知應該邊個月台上車執左件架仔黎問.. 問完等於冇乜問過咁😂

最後是但衝左上架去市區既車而家等緊到站再衝去轉車😂💬

Btw 佢真人好偉仔feel.. 做咩要扁住個咀姐QQ😩😩（23：39）

就落車.. 儲氣再衝去轉車🌝 （23:44）

成功上左車.. 行樓梯差點仆親😓落去方向冇電梯吼！！！（23：58）

女性專用車箱—

得女人先搭得既野😂 我既第一次就咁比左呢度

但好似錯左.. 冇車站路線圖😓一陣換番先。去到終站長岡京仲要補車錢😩我買左張1190yen.. 但上左條要1710yen 既綫..（00：02）

好刺激😂岩岩掛住wtsapp, 冇留意咩站，見好多人落車就跟住落。然後路知點轉車.. 問站長，佢問我係咪去果個站，我話係，佢就指左我去7 號線，我落到7 號線先發現點解好似錯錯地唔岩到站時間.. 再望望.. 發現自己應該去9 號線！！ 而隔離月台既9 號線

架車已經埋站，我得番半分鐘上番去左落去，即係抬住個行李跑上電梯再衝落電梯，後面有個都係趕車既追住我😂 我連人帶行李原本霸住兩條行車線轉身射個三分波cut 番做一條讓左條路比佢..... 最終好彩又比我趕到😂😂 睇黎幸運之神都未算拋棄我😂😂😂 前

往最後一個轉車點ing 😓轉多一次就到啦😭 （00：35）

去到佢果度仲要洗頭沖涼執野.. 06：22 就要上車出發去廣島😂 超緊迫的（00：39）

好想飲水😓我晏晝果餐淨係飲左一啖水.. 再之前就屋企出門好耐之前飲左半杯豆漿.. 機上冇野飲一直到而家成半日😓 好彩冇乜點講野（00：41）

轉車成功，最後一站😂

地下鐵一覽（冇女） 😂

前姐夫都出發黎接我了😂💬（00：44）

見到電視全家便利店賣奶茶廣告.. 突然好想飲😩下站到（00：51）

目的地大堂∼ （00：56）

然後書架既對面就係前姐夫大人.. 之後用部補錢既機去補錢😂（機本體忘了拍，記得就後補∼）

我買左1190yen.. 然後由關西空港黎到呢度目的地係要1710yen 即係差520yen 所以補番520yen 比佢然後佢食左張舊飛比左呢張飛你就出得閘啦∼😂 （00：58）

出閘冇耐行幾步路就見到7-11 便利店.. 說是要買早餐.. 然後我買左我慣食既火腿蛋卷卷（雖然食開係煙肉唔係芝士.. 將就下😂）做一陣早餐，然後零食就買左杯卡仕達醬（說穿了是cream 一大達）的布甸😂，第一次係日本食布甸，好味，但太耐冇係香港食

過布甸所以比較唔到有幾好味😩 早知食番杯先過黎.... 然後去到佢屋企仲痴左杯雜果味乳酪食😂

（左下卡仕達布甸；右上雜果乳酪）

好酸.. 我麻麻🌝 同埋好肉唔夠滑.. 雖然點都比香港好味但唔夠之前食既滑！！！ 日日都食起碼一杯布甸同乳酪先掂😆！！

嘛食係食左但其實我機場果餐到果時都未餓.... 好似已經成七個鐘😓 有點兒痴線咁 （01：55）
 

丫係啦話時話唔知點解食物們係佢比錢.. （¥338）

然後執緊聽日執廣島既野既時候佢叫我如果唔想帶咁多cash, 可以擺住係度先.. 即係點😂全程佢比晒😂😂？係就好呀頂你😩 不過我都係帶埋啦😩

然後沖涼.... 冇咩特別😩沖完涼訓咁囉😂 一陣五點三起身😅 六點出門口.. 訓 lu（03：18）