解!曲髮訓到扁!
分類: 未分類
2009 年 3 月 30 日  星期一

對唔住,我認我忙,忙到冇時間update,雖然估唔到上次已經係情人節,哈都係唔好再提。

這幾個星期忙到甩轆,踏入春夏,人人都忙住整番個靚頭,哈哈,所以呢...就係咁囉。

 

講番先,呢排好多女生都尼電髮造色,淺淺地既啡金色都係主打,不過大部份女生都話電髮有個麻煩,就係起身趕時間洗唔切頭,個頭就會扁左,結果要戴帽出街,咁電左等於冇電,把鬼!

其實呢,方法好好好好好好好好簡單,講明先,你識既就唔好話我教埋咁簡單既野,反而係好多人唔記得左簡單既道理,要解決曲髮起身扁左既問題,只需要訓之前將頭髮束成孖辮,跟住就可以大覺訓,起身!嘩!個頭重係咁正既!哈哈哈哈...

 

情人節hair style ~ 愉快
分類: 未分類
2009 年 2 月 12 日  星期四

情人節將至, 除了要準備一份有心思的禮物給另一半之外,當日的衣著打扮都好重要!適逢今年的情人節在星期六,大家可以有充足時間扮靚~
身邊不少朋友都問我,到底set 一個怎樣的髮型才好? 太隆重太花巧的又怕自己handle不到, 太簡單又怕不夠尊重對方~
其實,現在的大趨勢都是以簡單為主,長頭髮的女生可以束起長髮,再化一個淡妝已很Trendy ! 而短髮的呢,只要將秀髮梳得貼服柔順便OK了。太隆重反而會太誇張, 不夠自然,嚇怕男友…

  簡簡單單將頭髮束起已很可人~

 短髮的女生只要把頭髮輕輕的造型再加上一個淡妝便OK 了~

當然,如果男朋友大破慳囊帶你去高級餐廳或5星級大酒店品嚐過千元一位的情人節大餐, 各位女生又不防試試在家set 一個比較隆重的髮型,加一些高貴的hair accessories , 尊重場合得來又突破一下自己~
不過,情人眼裡出西施,大家又不用太擔心! 好好enjoy 伴侶為自己準備的節目!
最後,祝大家有一個溫馨愉快的情人節~

工作趣事 愉快
分類: 未分類
2009 年 1 月 12 日  星期一

黎近春天會玩多D COLOR, 其實長OR短頭髮都OK!!不過長頭髮就唔好留到勁長,中長比較適合,感覺輕D 仲好!!

年尾比較多人結婚, 所以近來都係忙於幫新娘整頭. 有一次幫位新娘整頭, 嘩...一入屋真係嘩一聲啊!!!間屋真係超大超靚,靚到嘩嘩聲!!
間屋大就唔洗講啦,有花園有游泳池,古董傢俬,旋轉樓梯兩邊擺滿晒紅酒,大大話話過千枝!!成間屋裝修到似幅畫咁,真係有少少似wallpaper!!我係間屋度做野都好享受!!
果晚係間屋度食埋dinner,主人家提供叉雞飯比我地,個叉雞飯已經好好味,食食下,主人家拎埋紅酒比我地,我真係眼都突埋,嘩...紅酒配叉雞飯,嘆啊!!