表姐不愧為表姐，行出街都多人望ｄ架！

不過表姐雖然話係靚女啫！ｄ男仔駛唔駛眼定定咁望住表姐呀？

行緊街ｏ個陣又有男仔望住表姐；等緊車ｏ個陣又有；

就連去許留山，前面檯ｏ個三個男仔都係咁望住表姐，真係冇野好講囉！

同表姐行街街既時候見到吳嘉威ｏ個班人，冇ｓａｙ　ｈｉ，

當唔識既直行直過，之後媽媽問我係咪識佢地，我話係同班既，

跟住問返媽媽點解咁問，佢話佢地望住我喎！

我覺得，佢地係望表姐就真！不過唔知我有冇估錯呢？

同表姐出街係好，不過如果ｄ男仔冇眼金金咁望住表姐仲好呀！！

我一定要努力，我要追返哂以前既時間，７科有邊科唔掂就要搞掂佢！

我唔要自己咁懶，我唔要自己咁蠢，我唔要自己咩都唔識！！

最近好鐘意聽一首詩歌，遲ｄ希望可以upload到上日記啦！

"能在絕望孤單中偶然遇到你，是我根本不配受的福氣" 

最鐘意既就係呢兩句，點解？冇得解，就係鐘意囉！

有咩理由喎！高左係應該架！但肥左就絕對唔唔唔唔應該呀！！！

已經由９月開始冇食過糖，冇食過朱古力，就連朱古力奶都冇飲過架啦！

點解仲會肥左架？？

５２.２ｋｇ呀！！點算呀？戒左口都係肥左，咁都得既？

Ｆｉｏｎａ同Ｗｉｎｋｙ聽到我有成５２.２ｋｇ都嚇左一跳！

仲話我咁瘦，邊有可能有５２.２ｋｇ，我話我其實真係好肥，

不過肥ｏ係ｄ佢地見唔到既地方，跟住我話要減，Ｆｉｏｎａ即刻瞪大隻眼同我講，

「你要都減，咁我咪要切肉？」真係笑鬼死我！

不過其實我係肥過Ｆｉｏｎａ好多....唉，都要諗諗計喇！！