不過上左會計之後，我開始有ｄ掛住梁師靜，因為個新黎既會計老師真係好怪！

冇人肯做科長又要罰全班企，佢問我地問題係完全冇人答佢架！

如果同梁師靜比，我就鐘意梁師靜多ｄ，至少上堂會ｆｒｅｅ好多

ｒｅｓｔ  o個陣同兩個轉校生傾計，佢地原來都考過會考，成績都唔算差，

佢地話原先譚李麗芬收左佢地，不過佢地唔知點解冇入到去讀，反而入左黎我地呢間讀，

佢地話我地呢間好過譚李麗芬喎！西莓Ｅｌｉｓａ同我即刻同佢地講，

如果俾我地揀，我地一定會揀譚李麗芬，唔會揀入呢間，

原因就唔ｏ係度多講啦！反正有ｏ係呢間讀過既人都好清楚點解！

之後落左ｈａｌｌ聽規矩，聽完之後俾人留低左，ｄ老師話要同我地傾下ｄｒｏｐ科既問題，

開哂咪咁話唔會逼我地ｄｒｏｐ科，之後問我地有邊個唔想ｄｒｏｐ科，

連我在內有十個擧手，佢點完人數之後竟然要唔想ｄｒｏｐ科既留低，

之後搞到人人都走哂都唔俾我走！蔡子良話要同我傾下，我話要返屋企，唔傾，

佢竟然叫ｃｃｃ黎同我傾！！我同ｃｃｃ講我一科都唔想ｄｒｏｐ，

佢就係咁問我做咩唔ｄｒｏｐ，係咁講係咁講，我話要走又唔俾，

最後我同佢講，「反正下星期五先係ｌａｓｔ　ｄａｙ，我而家返屋企同屋企人傾下咁得未？我走得未呀？」

佢先肯俾我走，仲塞左本書俾我睇，叫我好好諗下

而家擺明就係逼我ｄｒｏｐ科，之前仲話唔會逼我地，轉過頭就ｏ係度逼我，

仲搞到我成兩點幾先返到屋企，真係好討厭ｃｃｃ呀！！！

校長懶係勁咁，ｏ係開學禮全場講英文，

仲要係度同中四至中六講規矩，簡直就係ｏ係度浪費時間，

之後完左個開學禮，仲要聽個新黎既英文科主任講偉論，好無奈囉！

今日Miss楊俾左個下馬威我地，第一日返學就要我地做pass paper，

唉.....不過都唔多識做，睇黎要更加努力喇！